မိုဃ်းဇော်ရဲ့ ကဗျာ (၁၁) ပုဒ်
- Details
- Category: ကဗျာ
- Published on Monday, 28 November 2011 17:46
- Written by မိုဃ်းဇော်
- Hits: 1950
မိုဃ်းဇော် ကို မြန်မာကဗျာဆရာတစ်ဦးက 'ကဗျာကိစ္စပြီးနေသူ' ဟုပင် ပြောဆိုခဲ့သည်။ အဲဒီလောက်ထိ ညွှန်းရလောက်အောင် မိုဃ်းဇော် ကဗျာတွေက ဘယ်လိုလဲ..။
အခု ဖော်ပြထားတဲ့ ကဗျာ (၁၁) ပုဒ်မှာ မိုဃ်းဇော် သေတမ်းစာ ကဗျာစာအုပ်၊ ရုပ်ရှင်တေးကဗျာ၊ ပိတောက်ပွင့်သစ် မဂ္ဂဇင်းတို့တွင် ဖော်ပြထားပြီး ဖြစ်ပါသည်။
မိုးတိတ်တေး
အထည်ချုပ်စက်ရုံကြီးထဲက
ချည်မွေးညှပ်ကောင်မလေးရေ
မင်းရဲ့ မြွေရေခွံအိတ် အဟောင်းလေးထဲမှာ
လုံခြုံမှုတွေ ကြည့်ကောင်းသေးရဲ့လား
ထဘီတစ်ပတ်နွမ်းလေးကိုပဲ
အကြိမ်ကြိမ် အထပ်ထပ်ဆင်မြန်းရှာခဲ့ရ
သမ္မာအာဇီဝဆိုတာ
စကားလုံးအားဖြင့် လှပါရဲ့
ပရိုတိန်းတော့ ကြွယ်ဝလိမ့်မှာ မဟုတ်ဘူး။
နတ်ပြည်ခြောက်ထပ်ရဲ့ အဝေး
စပို့ရှပ်ဒီဇိုင်းတွေရဲ့ အဝေး
ရွှေမြို့တော်ကြီးရဲ့ အဝေးဆီက
ပူဆွေးနေတဲ့ လယ်ကွင်းတွေကို
မင်းထားခဲ့တယ်
တစ်ဘ၀လုံး ပက်ကြားအက်နေတဲ့
တောသူတောင်သား မိဘမောင်ဘွားတွေကို
မင်းထားခဲ့တယ်
ထနောင်းပင်၊ ထန်းမြစ်နဲ့
သဲထဲရေသွန်နေ့ရက်တွေကို
မင်းထားခဲ့တယ်
မင်းကတော့
အတောင်အလက်မစုံလင်ဘဲ
တောင်ဒဂုံစက်မှုဇုန်ထဲမှာ
ဒဏ်ရာရငှက်ကလေးတစ်ကောင်လို တုန်ယင်လို့
ကြုံလှီဖျော့တော့
မထူးတော့ပါဘူးလေဆိုပြီး
ကိုယ့်ဘ၀ကို အမျောမခံနဲ့
သံမဏိကြိုးတစ်ချောင်းလို အားတင်းထား
ကွန်ကရစ်တုံးကြီးတွေလို ကြံ့ကြံ့ခံ
လက်ဖြောင့်သေနတ်သမားရဲ့ ကျည်ဆန်လို
ဆုံးဖြတ်ချက်တွေ ဖြောင့်မတ်မှန်ကန်ပါစေ
ကမ္ဘာကြီးဟာ
အနိဌာရုံချည်းပဲ မဟုတ်ဘူး
လတ်ဆတ်တဲ့ သစ်သီးဝလံတွေနဲ့
ပျော်စရာသီချင်းတွေလည်း ရှိတယ်ကွယ်
အဲဒီအခါကျ
မင်းဟာ သားကောင်းမိခင်လည်း ဖြစ်ခွင့်ရှိ
အိပ်မက်ကို ပုခက်လွှဲရင်း
လောကကို နို့ချိုတိုက်ကျွေးခွင့်လည်းရှိ
အစစ်အမှန် သာယာပျော်ရွှင်ချမ်းမြေ့ခွင့်လည်းရှိ
အခွင့်အရေးမှန်သမျှ အကုန်ရှိပေရဲ့။
အခုလို
မိုးပြိုချိန်မှာတော့
သရုပ်ပြတင်ဆက်ရင်း မင်းရယ်မော
သောကကို
ကကြိုးဆင်ရင် မင်းကခုန်
ဆေးရောင်စုံနဲ့ အနာဂတ်ကို
မင်းယုံကြည်လိုက်ပါ
ရှင်နေမင်းဟာ
ငါတို့ ထင်သလို
အဝေးကြီး မဟုတ်ရပါဘူးကွာ။ ။
၁၉၈၅ခုနှစ်က နှင်းဆီ
(၁)
နယူးယောက်ဆိုတဲ့ မြို့ကြီးရဲ့
၀၀ဖီးဖီးကဖီး ဆိုင်ကလေးတစ်ဆိုင်မှာ
ဟောဒီစဟာမျက်နှာကို မင်းဆွဲလှန်မိမယ်ဆိုရင်
ဒီကဗျာဟာ မင်းအတွက်ပဲ ရည်စူးပြီး ရေးလိုက်ပါပေရဲ့
အရောင်ရင့်ရင့် အပွင့်ကားကား နှင်းဆီရေ။
(၂)
ဂန္ဓလရာဇ်သွေးရောင်လွှမ်းနေတဲ့
မင်းရဲ့ အနီရောင်နှုတ်ခမ်းသားပေါ်မှာ
ငါဟာ အပျင်းပြေလမ်းသလားနေကျ
မင်းရဲ့လျှာ
မင်းရဲ့သွား
အဲဒီအရာနှစ်ခုကြားကနေ
ဖြတ်သန်းတိုက်ခတ်လာတဲ့လေ
ပူနွေးစွတ်ဆိုနေပေမယ့်
စပျစ်သီးနံ့လေး သင်းပျံ့နေတတ်လို့
ငါဘယ်လို မေ့ပစ်နိုင်မှာလဲ။
(၃)
မင်းရဲ့ ရေစိုဆံပင်တွေ ဖြီးသင်ပေးနေခိုက်
ငါ့ရဲ့ တောစီးဖိနပ်ကို ကြိုးတပ်ပေးခဲ့တာ
ဘ၀ရေစက်လို့ ခေါ်ရမလား
ဒီကပဲ မှားယွင်းခဲ့ပါတယ်။
(၄)
"ဟစ်တလာ"ကို ငါတို့ မချစ်ခဲ့ဘူး
"ရှိတ်စပီးယား"ကို ငါတို့ ချစ်ခဲ့တယ်
"မူဆိုလီနီ"ကို ငါတို့ မချစ်ခဲ့ဘူး
"မိုဒီဂလျာနီ"ကို ငါတို့ ချစ်ခဲ့တယ်
"စတာလင်"ကို ငါတို့ မချစ်ခဲ့ဘူး
"ယက်ဖ်တူရှင်ကာ"ကို ငါတို့ ချစ်ခဲ့တယ်။
(၅)
"ကိုလံဘတ်(စ်)ရေ
မစ္စတာ"ကိုလံဘတ်(စ်)" ခင်ဗျား
မမြင်နိုင်တဲ့ ကံတရားက
ငါ့ သူမကို "အမေရိက"မှာ ပစ်ချထားခဲ့ပေါ့။
(၆)
"ပုဇွန်တောင် ရေကျော်"မှသည်
"မြောက်အမေရိက"ဆီသို့
ငါ့ရှင်မတောင်းသနပ်ခါးနံ့ကလေး
ဖြတ်ပြေးသွားပါပကော။
(၇)
ကမ္ဘာကြီးကို
မြင်းတစ်ကောင်လို စီးနေတဲ့
ကောင်းဘွိုင်တွေရဲ့ နယ်မြေမှာ
မင်း အယားမပြေနိုင်ဘဲ နေလေမလား။
သွေးဆူလွယ်တဲ့
ကောင်လေးတစ်ယောက်ရဲ့ ပုံရိပ်ကို
ဝီစကီဖန်ခွက်ထဲကပဲ ကြည့်နေမလား။
အမေရိကန်ပြည်ထောင်စုရဲ့
အစိုးရရုံးပိတ်ရက်တွေမှာ
မင်းဘယ်လိုများ နေရှာမလဲ
မသေခင်
ပြန်တွေ့ခဲ့ကြရင်
ဘယ်က ဘယ်လို နှုတ်ဆက်ရမလဲဟင်။
(၈)
တမာပင်အောက်က
ဗျိုင်းတောင်ဆန်တဲ့ ငါ့ဝိညာဉ်ဟာ
"အပါချီ"ရက်အင်ဒီးယန်းတွေရဲ့ ဇာတိမြေ
မင်းအခြေစိုက်နေထိုင်ရာ အနောက်ဘက်ဒေသဆီ
ချီတက်ခဲ့ပြီပေါ့ "နှင်းဆီ"။ ။
နေကြာပန်းများ
အနီရောင်
ရေသောက်မြစ်တွေဆီက
သူလာခဲ့တယ်။
ပွင့်ပြီးရင် ကြွေရမှာလည်း
သူသိခဲ့ပေရဲ့။
ကြွေပြီးရင် နွမ်းရမှာလည်း
သူ သိခဲ့ပေရဲ့။
မလိုပါဘူး
သင်တို့ဆီက
ဘာအကူအညီမှ မလိုပါဘူး။
နေမင်းကို
အံကြိတ်ရင်း သူကြည့်
သတ္တိရှိတဲ့ မွှေးရနံ့တွေနဲ့။ ။
လူစီရဲ့လက်ဆောင်
ရှက်တတ်တဲ့ ကြယ်တွေကတောင်
လက်မြှောက်ထားရတဲ့ "လူစီ" ဟာ
မျက်လုံးထဲ ဓားမြှောင်တစ်လက် ထည့်ကြည့်တတ်တယ်
ခေါင်ရမ်းပွင့်တွေကလည်း "လူစီ"ကြောင့် ပွင့်ခဲ့ရတာတဲ့
အနမ်းဆိုတဲ့ နှစ်ချို့အိုးထဲ
"လူစီ"ဟာ ဘ၀ကြီးတစ်ခုလုံးကို မျောက်သွေးလို
စိမ်ထားနိုင်တယ်
"လူစီ"ဟာ
နှုတ်ခမ်းနီ နည်းနည်း ဆိုးလိုက်ရုံနဲ့
ဘ၀တွေကို လေဖြတ်သွားအောင် စီရင်နိုင်တယ်
"လူစီ"ခန္ဓာကိုယ်ထဲက
ထုတ်သမျှပစ္စည်းတိုင်းမှာ
ယောက်ျားပီသရမယ်ဆိုတဲ့ အထူးသတိပေးချက် ပါတယ်
"လူစီ"ဟာ
အနာဂတ်ကို ကိုယ်ဝန်ဆောင်နိုင်တယ်
ငရဲနဲ့ တိုက်ရိုက်ပျံသန်းနိုင်တယ်
ပျံသန်းနေတဲ့ သမာဓိကို
သစ်တော်သီးလေးတစ်လုံး ခူးချနိုင်တယ်
အသည်းကွဲလူနာအတွက်
လမ်းကြိတ်စက်တစ်စင်းနဲ့တူတဲ့"လူစီ"ဟာ
ကလေးတွေရဲ့ "မာသာထရီဆာ" ကိုယ်ပွားဖြစ်တယ်
ကရုဏာပုံတူဖြစ်တယ်
နို့ထွက်တဲ့ ပန်းပွင့်ဖြစ်တယ်
"လူစီ"ဟာ
ကုန်ထုတ်စွမ်းအားစုတွေကို ရေပတ်တိုက်ပေးနိုင်တယ်
ဘုရားသခင်နဲ့ သားအမိတော်နိုင်တယ်
"လူစီ"
ခင်ဗျားဘယ်ကလာလဲ
ကောင်းကင်ကလား
မြေကြီးကလား
ဖိုသတ္တ၀ါရဲ့ နံရိုးထဲကလား
"လူစီ"
ခင်ဗျားအတွင်းခံတွေကို ဘာနဲ့ ချုပ်ထားလဲ
ပိုးသားနဲ့လား
သွေးချွေးနဲ့လား
ကမ္ဘာ့သမိုင်းကြောင်းနဲ့လား
ခုထိ ဘယ်သူမှ မသိသေးဘူး။ ။
ကိုယ်ရေးအတ္ထုပ္ပတ္တိအကျဉ်း
ဗီယက်နမ်ကဗျာဆရာတစ်ယောက်လို ငါနေထိုင်
ဂျမေကာကျွန်းသားတစ်ယာက်လို ငါခံစား
အာဖရိကန်မုဆိုးတစ်ယောက်လို ငါအိပ်စက်
ကိုလံဘီယာအလုပ်သမားတစ်ယောက်လို ငါရှုမျော်
သြော်. . .
ငါတပ်မက်တဲ့ ကမ္ဘာကြီး။
ငါးမန်းဟာ
ဆားငန်ရေနဲ့ အသားတုံးငတ်သလို
ငါလည်း အချစ်နဲ့ အသစ်ကို ငတ်မွတ်မိ
နွေဦး(၄၀)ရှိခဲ့ပါပြီ။
နွေဦး(၄၀)ရုပ်ရှင်မှာ
ဗီလိန်လည်း လုပ်ခဲ့ရ
ဇာတ်လိုက်လည်း ဖြစ်ခဲ့ရ
ထောင်ချောက်လည်း နင်းခဲ့ရ
ပိုက်ကွန်လည်း ချခဲ့ရ
ပျားရည်လည်း လျက်ခဲ့ရ
ဆေးခါးကြီးလည်း သောက်ခဲ့ရ
နတ်ပြည်လည်း တက်ခဲ့ရ
ငရဲပြည်လည်း ကျခဲ့ရ
သေနတ်ပစ်ခန်းလည်း ကြုံခဲ့ရ
မင်းသမီးကိုလည်း နမ်းခဲ့ရ
စကတည်းက မှားခဲ့ကြတော့
လမ်းပျောက်ခဲ့တဲ့နှစ်တွေအတွက်
စိတ်မပျက်တော့ဘူး။
"သခင်ကိုယ်တော်မှိုင်း"နဲ့"အိုင်းစတိုင်း"ကို ကြိုက်ခဲ့တာ
"ကက်သရင်ဇီတာဂျုံး"နဲ့မော်စီတုံးကို ကြိုက်ခဲ့တာ
"ရော့ခ်သီချင်း"နဲ့ "အရက်ပြင်း"ကို ကြိုက်ခဲ့တာ
"ပြင်သစ်ကော်ဖီ"နဲ့ "ဂျင်းဘောင်းဘီ"ကို ကြိုက်ခဲ့တာ
"မုန့်ဟင်းခါး"နဲ့ "မက်ဒေါနား"ကို ကြိုက်ခဲ့တာ
"နေကာမျက်မှန်"နဲ့ "ခြံထွက်သီးနှံ"ကို ကြိုက်ခဲ့တာ
"မဟတ္တမဂန္ဒီ"နဲ့ "မိုဒီဂလျာနီ"ကို ကြိုက်ခဲ့တာ
"မြို့မငြိမ်း"နဲ့ "ကပ်ကိုဘိန်း"ကို ကြိုက်ခဲ့တာ
"ငါးသလောက်ဥ"နဲ့ "မမနု"ကို ကြိုက်ခဲ့တာ
ငါဟာ တကယ့်ကို ပုထုဇဉ်ပဲ။
ဒီမယ် ငါ့တစ်ယောက်တည်း
လေချွန်ရင်း မြွေဖမ်းရင်း
ပေါက်ပြဲနေတဲ့ နေ့တွေကို
ပြင်ဆင်ဖာထေးဖို့ ကြိုးစားရင်း
မြို့ပတ်ရထားကြီးနဲ့အတူ
မိုးချုပ်ခဲ့သူပါ။ ။
စိန်ခြယ်ပန်းများဖြင့်
၁၉၄၇
အတွင်းဝန်ရုံးထဲက
သူရဲဘောကြောင်လှတဲ့
တော်မီဂန်းစက်သေနတ်သံတွေအောက်မှာ
သူအသက်ပျောက်ခဲ့ရပြီ။
ရန်သူရဲ့အဖမ်းကိုဘယ်တော့မှ မခံဘူးဆိုတဲ့
သူ့ရဲ့ နည်းဗျူဟာ
အနုနည်းနဲ့ မရရင်
အကြမ်းနည်းနဲ့ ချမယ်ဆိုတဲ့
သူရဲ့ မဟာဗျူဟာ
နယ်ချဲ့တိုက်ပွဲ
ဖက်ဆစ်တိုက်ပွဲ
အမျိူးသားလွတ်မြောက်ရေးတိုက်ပွဲ
တိုက်ပွဲစဉ်တလျှောက်
ရဲဝံပြောင်မြောက်စွာ ဖြတ်သန်းလာခဲ့သူဟာ
ပန်းတိုင်ရောက်ခါနီးမှ
ခွေးထက်မိုက်တဲ့ တိရိစ္ဆာန်တွေလက်ချက်နဲ့
အသက်စွန့်ခဲ့ရပေပြီ။
အသက်ငယ်ငယ်နဲ့
သူကျဆုံးခဲ့ရတာ
တိုင်းပြည်အတွက်
ကံမကောင်းအကြောင်းမလှမှုတစ်ခုပေလား။
မြင့်မြတ်တဲ့ " ဗိုလ်အောင်ဆန်း " ရယ်
ဟောသည် မိုးကောင်းကင်အခုံးကြီးအောက်မှာ
သင့်အမည်နာမဟာ
အမြဲစီးဆင်းနေရစ်မယ့် " ဧရာဝတီ "ဖြစ်ပါတယ်။
သင့်အမည်နာမဟာ
အမိမြေဆီလွှာကတောင်
သရဖူဆောင်းပေးထားရတဲ့
" ရိုးမ " လည်းဖြစ်ပါတယ်။
သင့်ရဲ့
ကြီးမြတ်တဲ့ဝိညာဉ်ဟာ
" ဧရာဝတီ " လိုအမြဲစီးဆင်းပြီး
" ရိုးမ " လိုအမြဲထာဝရရပ်တည်နေမှာပဲဖြစ်ပါတယ်။
" ဂန္ဒီကြီး "
" အန်ကယ်ဟို "
" ဒေါက်တာရီဇော် "
" မော် "
အာရှတိုက်ရဲ့ အကျော်အမော်များနည်းတူ
ကျွန်တော်တို့တိုင်းပြည်ရဲ့ အမှောင်တွင်းထဲက
" အောင်ဆန်း " ဆိုတဲ့ အလင်းရောင်ထွန်းလင်းခဲ့လို့
ကျွန်တော် အရမ်းဂုဏ်ယူမိပါတယ်။
ငါ့တိုင်းပြည်ကိုပြန်ပေး
ငါ့သယံဇာတကိုပြန်ပေး
ငါ့လေထုကိုပြန်ပေး
ငါ့ကလေးတွေကိုပြန်ပေး
ငါ့အိမ်မက်တွေကိုပြန်ပေး
သူ့ရဲ့ကြွေးကြော်သံဟာ
ယူနီယံဂျက်အလံကို ဖောက်ထွင်း
နေဝင်းနီကိုအလံကို ဆွဲဖြဲပြီး
နွေဦးကွင်းပြင်ထဲ ထွက်လာရဲ့။
၁၉၊ ဇူလိုင်တဲ့
အားလုံးထိုင်ပြီး ငိုကြွေးခဲ့ရပြီ။
ဆောင်းမနက်ခင်းစောစောမှာ
ဝေဆာလန်းဆန်းနေသော စိန်ခြယ်ပန်းများဖြင့်
သင့်အမည်နာမအား
ကျွန်ုပ်ရှိခိုးပူဇော်ပါတယ်။
လူသားဟုခေါ်ဆိုရန်ပင် မထိုက်တန်
သင့်ရဲ့ကောင်းမြတ်မှုပြည့်လျှံနေသော အမည်နာမအတွက်
စိန်ခြယ်ပန်းများဖြင့်
ကျွန်ုပ်ရှိခိုးပူဇော်ပါတယ်။
အမိနိုင်ငံတော်ရဲ့
သံခြေချင်းကို ရိုက်ဖြုတ်ပေးခဲ့သော
သင့်အမည်နာမအား
စိန်ခြယ်ပန်းများဖြင့်
ကျွန်ုပ်ရှိခိုးပူဇော်ပါတယ်။
လင်းယုန်ငှက်တွေဝဲနေတဲ့
ဟောသည်ဆောင်းလမ်းမှာ
" ဗိုလ်အောင်ဆန်း " တဲ့
စိန်ခြယ်ပန်းများဖြင့်
ကျွန်ုပ်ရှိခိုးပူဇော်လိုက်ပါရဲ့။
ဗီရာ(VERA)
" မင်းနာမည် ဘယ်သူလဲ"
" ဗီရာ"
" မင်းအမေက..."
" အကာလညရဲ့ ဒုတိယမာတိကာ"
" မင်းရဲ့အဖေ..."
" ရန်သူ"
" ကိုယ်တွင်ထင်ရှားသည့် အမှတ်သား"
" ဘယ်တော့မှ မကျက်နိုင်တဲ့ ဒဏ်ရာ"
" မင်းရဲ့ဇာတိ"
" စစ်ပြေးလမ်း"
နျူကလီးယား ပန်းခင်းထဲမှာ
ငြိမ်းချမ်းပါစေ
အာမင်။
လွမ်းစေတီ
တို့ထိခွင့်လည်း မရှိတော့
ဆုပ်ကိုင်ခွင်းလည်း မရှိတော့
မင်းရင်ခုန်သံကို လုံအောင် ဖုံးပေးပိုင်ခွင့်လည်း မရှိတော့
မင်းလည်း မေ့လျော့လိုက်ရုံ
ငါလည်း မေ့လျော့လိုက်ရုံ
ပုံပြင်ကို ပုံပြင်အတိုင်းထားလိုက်ရုံ
ဒါလောက်ပဲ တို့တတ်နိုင်ခဲ့။
သူ့ကို မင်းမချစ်ဘဲနဲ့ မင်းကို သူဘာလို့ သိမ်းပိုက်ခဲ့တာလဲ
မင်းနဲ့ငါ ချစ်လျက်နဲ့ ငါတို့ ဘာလို့ ဝေးကွာခဲ့တာလဲ
ရာဇဝင်ခေတ်
ပဒေသရာဇ်တို့ ရာဂမီး
အတားအဆီးမဲ့ ကာမပိုင်ဝတ္ထုမှာ
ချစ်သူတို့ ဇာတ်နာခဲ့ရဖူးပြီ။
အဖြစ်အပျက်တွေ ဖြစ်ပျက်ပြီးခဲ့နောက်
အငွေ့အသက်တွေ ကျန်ရစ်ကြရမယ်
ရှုမဆုံးတဲ့ အလွမ်းတွေ ငါမွေးရင်း
တောင်ကုန်းတေားပေါ် တက်ခဲ့တယ်။
ညောင်ပင်က
ဓမ္မတေးကို ဆိုနေရဲ့
ရိုးပြတ်တောက
နေပူထဲမှာ ငိုနေရဲ့
ငါ့ နှလုံးသားက
လူ့သမိုင်းထဲ လဲကျနေခဲ့တယ်
လွမ်းစေတီက
မင်းနဲ့ငါအကြောင်း
နှောင်းလူတွေကို ပြောပြမယ်
တို့နှစ်ယောက်
လျှောက်ခဲ့ရတဲ့ ငရဲကို။ ။
လူလေလူလွင့်များရဲ့နေ့
ပြက္ခဒိန်တစ်ချပ်လို
စုတ်ပြတ်လွယ်တဲ့ နေ့စွဲမှာ
ဒိုင်ယာရီ မရေးတာ ကောင်းပါတယ်။
တကယ်ဆို
နတ်မကြိုက်တဲ့ ပါးစပ်နဲ့ အချစ်ကို ဓာတ်စာပေးကြည့်ဖူး
ပိုက်ဆံမရှိတဲ့လက်နဲ့ မြို့ကြီးကို ကျောသပ်ရင်သပ်လုပ်ကြည့်ဖူး
အရုပ်သေနတ်နဲ့
မိမိကိုယ်ကို ဇာတ်သိမ်းကြည့်ဖူး
အမိုက်မဲဆုံးညတွေကို
ငါးခုံးမ တစ်ကောင်လိုလည်း ကင်ဖူးတယ်။
ငါ့ရဲ့ အကုသိုလ်အအေးခန်းထဲက
ငယ်နာမည် "မာရီလင်"ရေ
ငါ့ကို စက္ကန့်လက်တံလို သဘောထားပါ
နားကြားလွဲတတ်တဲ့ငါဟာ
ပြာပုံထဲ အပျင်းကြောဆန့်ချင်တဲ့ ကောင်ပါ။
အရေပြားဆိုတာ အပ်တစ်ထောက်
ချွေးပေါက်တွေ အဝမကျယ်ခင်
ရင်ခုန်သံစစ်စစ်နဲ့
ဘဝကို ခေါစာပစ်ချေအံ။ ။
ကြေးစား
မွန်းကျပ်နေရတဲ့အထဲ
အိမ်ပြန်အလုပ်သမလေးရဲ့
ဣနြေ္ဒသိက္ခာကို
မထိပါးလိုဘူး။
"လော်ရန်ဇို" ဆက်တီပေါ်မှာ
မာတီနီနဲ့ ဇိမ်ကျနေတဲ့
ကျားသစ်မတွေရဲ့ သွေးညှီနံ့ကိုသာ
တစိမ့်စိမ့် အရသာခံချင်တယ်။
ကြိုက်ရင်ခေါ်လိုက်လေ
ကော်ဖီတစ်ခွက်နဲ့ လိုက်ခဲ့ဖို့ဝန်မလေးသူ
သူ့နာမည်က "မိုဃ်းဇော်"
ဒါမှမဟုတ်
ခေတ်ကြီးရဲ့ တန်းဖိုးအကြီးဆုံး ယဇ်ကောင်တဲ့။ ။
သားချော့တေး
သားရေ
ငိုသံတွေကို လမ်းခင်းပြီးမှ
မင်းရဲ့နန်းတော်ကြီးဆီ ရောက်မယ်ဆိုရင်
အဲဒီလမ်းကို မလျှောက်လေနဲ့။
မိုးလောက်ကြီးပဲ မြင့်ပါစေ
လူတွေရဲ့ ပခုံးကို တက်နင်းပြီးမှ
မင်းဘ၀ အထက်တန်းကျမယ်ဆိုရင်
အဲဒီအမြင့်ကိုလည်း မလှမ်းလေနဲ့။
မင်းရဲ့ ယုံကြည်ချက်ကြောင့်
ဘ၀တွေပျက်
အိုးအိမ်တွေပျက်
မိသားစုတွေရဲ့ ပျော်စရာအနာဂတ်တွေလည်း
ကြေကွဲပျက်စီးရမယ်ဆိုရင်
အဲဒီယုံကြည်ချက်ကိုလည်း မင်းအကောင်အထည်မဖော်လေနဲ့။
မသိနားမလည်သူ
လူတွေကို လှည့်စားပြီးမှ
ဇိမ်ခံခွင့်ရမယ်ဆိုရင်
အဲဒီစည်းစိမ်ကိုလည်း မင်း မမက်မောလေနဲ့။
ဒီလောကကြီးမှာ
သစ်သီးကလေးတစ်လုံး သီးဖို့
အချိန်တွေ အများကြီးယူရတယ်
ပန်းကလေးတစ်ပွင့် ပွင့်ဖို့
အဆင့်ဆင့် တည်ဆောက်ခဲ့ရတယ်
မြေနီလမ်း နံဘေးက
တောပန်းကလေးတွေကအစ ကြင်နာပါ
ဒုက္ခရောက်သူကို ဖေးကူပါ
လူ့သိက္ခာကို စောင့်ရှောက်ပါ
အပြစ်ကင်းမှုတိုင်းကို ချစ်ပါ။
ရိုးသားဖြူစင်သူတွေကို
တစ်ဖက်သတ် အနိုင်ယူပြီးမှ
မင်းရဲ့ သရဖူကို ရမယ်ဆိုရင်
အဲဒီသရဖူကိုလည်း မင်းလုံးဝမယူလေနဲ့။ ။
မိုဃ်းဇော်
Notice: Undefined index: data in /home/maukkha/public_html/plugins/system/jsocial_comments/libs/jsocial_tools.php on line 238
