တရုတ်နိုင်ငံတွင် လူငယ်များအတွက် တပ်နီတော်ကျောင်းဖွင့်လှစ်

https://pbs.twimg.com/media/B98zXaCIEAAhh_c.jpg

အပြာရောင်နှင့် မီးခိုးရောင်ဝတ်လူငယ်များသည် အနီရောင်လည်စည်းများကို ပတ်ထားပြီး၊ ကြက်သွေးရောင် ကြယ်ပွင့်တစ်ပွင့်ပါသည့် ဦးထုပ်ကို ဆောင်းထားသည်။ သူတို့သည် ဆောင်းရာသီ၏ အေးမြသည့် ရာသီဥတု ဒဏ်ကို ကြံ့ကြံ့ခံပြီး ကျောင်းဝင်းအတွင်း၌ ကွန်ဖူးလေ့ကျင့်ခန်းများကို လုပ်နေကြသည်။

တရုတ်နိုင်ငံ အနောက်တောင်ပိုင်း ကွမ်ကျိုးနယ်၊ ဝမ်ရှူရီမြို့လေးအနီး ကျေးရွာလေးအနီးရှိ တောင်ကုန်းပေါ် တွင် ယန်သာကျစ်ဟုခေါ်သည့် ထိုကျောင်းလေးကို ထူထောင်ထားသည်။ ထိုကျောင်းလေးကို ၂၀၀၈ ခုနှစ် ကတည်းက ထူထောင်ထားခြင်းဖြစ်ပြီး “တပ်နီတော်မူလတန်းကျောင်း” ဟု ခေါ်ခဲ့ကြသည်။

ထိုကျောင်းကို တရုတ်တပ်နီတော်က တော်လှန်ရေးတွင် ပါဝင်ခဲ့ကြသည့် ကွန်မြူနစ်ပါတီဝင်များနှင့် သူတို့၏ မိသားစု သားသမီးများ ပညာလာရောက်သင်ကြားနိုင်ရေးအတွက် ဖွင့်လှစ်ခဲ့ကြခြင်းဖြစ်သည်။ တရုတ်နိုင်ငံတွင် တပ်နီတော်အနေဖြင့် ဖွင့်လှစ်ခဲ့သော ကျောင်းများစွာ ရှိပါသည်။ ထိုကျောင်းများသည် မျိုးချစ်စိတ်ဓာတ် ရှင်သန် ထက်မြက်ရေးအတွက် အလေးပေးသင်ကြားသည့် ကျောင်းများလည်းဖြစ်သည်။

ကွန်မြူပါတီစိုးမိုးထားသည့် တရုတ်နိုင်ငံအတွင်း ဦးနှောက်ဆေးကြောရန်ဆိုကာ ဖွင့်လှစ်ထားသည့် ကျောင်းများ ထက် ဤကျောင်းများက ပိုပြီးအဆင့်မြင့်သည်ဟု ဆိုနိုင်သည်။ ကလေးများကို တပ်နီတော်စိတ်ဓာတ်များ ရှင်သန်ကိန်းဝပ်စေရေးဆိုသည့် လမ်းညွှန်ချက်များဖြင့် လူငယ်ဘဝကတည်းက လေ့ကျင့်ပျိုးထောင်ခဲ့သည့် ကျောင်းများလည်းဖြစ်သည်။

ယခုအခါ ယန်သာကျစ်ကျောင်းတွင် ပထမတန်းမှ စတုတ္ထတန်းအဆင့်အထိ တက်ရောက်သင်ကြားနေသော ကျောင်းသား ကျောင်းသူပေါင်း ၁၃၆ ဦးရှိသည်။

ကွမ်ကျိုးပြည်နယ်သည် တရုတ်နိုင်ငံတွင် အဆင်းရဲဆုံးဒေသတစ်ခုဟု ဆိုနိုင်သည်။ သို့သော် ယခုအခါ ထိုဒေသရှိပြည်သူများသည် အခြေအနေကောင်းနေကြပြီဖြစ်သည်။ အတိတ်ကာလတွင် ပညာသင်ကြားနိုင်ရေး အတွက် အခက်အခဲများဖြစ်ခဲ့ရခြင်းမျိုး ယနေ့ခေတ်ကာလတွင် မရှိတော့ပေ။

ယမန်နှစ်ကအထိ တရုတ်နိုင်ငံတစ်ဝန်းလုံးတွင် တပ်နီတော်ကျောင်းပေါင်း ၂၀၀ ကျော်ဖွင့်လှစ်ခဲ့ပြီးကြောင်း သိရသည်။ ယခင်တော်လှန်ရေးနယ်မြေဒေသများတွင် ဖွင့်လှစ်သည့် ကျောင်းများကို ယနေ့တိုင် တော်လှန်ရေး သမားဟောင်းကြီးများ၏ အမည်များ ပေးထားကြသေးသည်။

၁၉၃၀ ဝန်းကျင်တွင် ယန်သာကျစ်ကျောင်းသည် တပ်နီတော် တပ်သားများ ခိုအောင်းနားနေခဲ့သည့် နေရာဖြစ် သည်။ တရုတ်နိုင်ငံ ခရီးရှည်ချီတက်ပွဲကာလတွင် ကူမင်တန်တပ်ကို လိုက်လံတိုက်ထုတ်ခဲ့ရာ၌ နာမည်ကျော် သည့် တပ်နီတော်တပ်သားများ တပ်စွဲခဲ့ရာနေရာဖြစ်သောကြောင့် သမိုင်းဝင်နေရာတစ်နေရာအဖြစ် သတ်မှတ် ခဲ့ကြသည်။

တပ်နီတော်ကျောင်းဖြစ်သောကြောင့် ကွန်မြူနစ်ယဉ်ကျေးမှု သင်ခန်းစာများကို ကျောင်းသင် ပြဋ္ဌာန်းချက်များ တွင် ဖြည့်စွက်သင်ကြားကြသည်။ ထို့ကြောင့် ကျောင်းသားများသည် အမျိုးသားရေး သီချင်းများကို ဆိုကြရ သည်။ ကွန်မြူနစ်ပါတီ၏ လုပ်ဆောင်ချက်များနှင့် ပတ်သက်သည့် သမိုင်းအစဉ်အလာ ဇာတ်လမ်းများကို သင်ကြားပေးပြီး ကျောင်းသားများကို ဆွေးနွေးခိုင်းသည်။ ထို့ပြင် တပ်နီတော်သမိုင်းကိုလည်း သူတို့လေ့လာ ကြရသည်။

ကျောင်းတွင်း၌ အပူပေးသည့် မီးဖိုများမထား။ နွေးစေလိုလျှင် ကလေးများကို ခေတ္တအနားပေးပြီး သွေးပူ လေ့ကျင့်ခန်းများ လုပ်ခိုင်းသည်။ နေ့ခင်းပိုင်းတွင် ငါးမိနစ်နားပြီး မျက်လုံးကိုနှိပ်ကာ အနားယူနည်းကို လုပ်ဆောင်ကြရသည်။

နေ့လည်စာကို ကျောင်းတွင်ကျွေးပြီး တန်းစီကာ စားသောက်ခန်းတွင် ဗန်းကိုယ်စီကိုင်ပြီး ထမင်းနှင့် ဟင်းများကို ယူကြရသည်။ သူတို့အတွက် ဟင်းမှာ အာလူး၊ ပဲသီး၊ ကြက်သားများဖြစ်သည်။ ထမင်းစားနေစဉ် လုံးဝစကားမပြောရ တိတ်ဆိတ်စွာ စားကြရသည်။

တောင်ပေါ်တွင်ဆောက်ထားသည့် ကျောင်းမှ နေ့စဉ်ကလေးများသည် နာရီဝက်လမ်းလျှောက်ထွက်ရသည်။ မိုးထဲ လေထဲ ရွှံ့ထဲတွင်လည်း လမ်းလျှောက်ကြရသည်။ ဆရာများက သူတို့ကို အမြဲသွန်သင်နေသည့် စကား တစ်ခွန်းရှိသည်။

“ကိုယ့်အားကိုယ်ကိုး၊ ကိုယ်ကိုယ်ကိုယ်ယုံကြည်၊ ကိုယ့်ကိုယ်ကိုယ်ကောင်းအောင်လုပ်” ဖြစ်သည်။

ယန်သာကျစ်ကျောင်းသည် တော်လှန်ရေး၊ တပ်နီတော်နှင့် ကွန်မြူနစ်ပါတီတို့၏ အထောက်အပံ့များဖြင့် မျိုးချစ်စိတ်ဓာတ်ကို အခြေခံပြီး တော်လှန်ရေးသမားလေးများကို မွေးထုတ်ပေးနေသောကျောင်းဖြစ်သဖြင့် ထိုကျောင်းက ထွက်လာသည့် ကျောင်းသားများမှာ မည်သို့သော ကျောင်းသားများဖြစ်မည်ကို အထူးပြောစရာ လိုမည်မထင်ပေ။

ဆင်းရဲပြီး ကျောင်းထားရန်ပင် အခက်အခဲရှိနေသော ဒေသများ၌ တပ်နီတော်ကျောင်းကို တက်ခွင့်ရသည့် ကျောင်းသားများ၏ဘဝကလည်း အလွန်ထူးခြားပြီး ကံကောင်းသောဘဝများဟုဆိုရမည်ဖြစ်သည်။

(Source: AFP)

Powered by Bullraider.com