၂၀၁၂ ခုနှစ်မှာ ကွန်မြူနစ်ဖြစ်တည်မှု

၂၀၁၂ ခုနှစ်မှာ ကွန်မြူနစ်တယောက် ဖြစ်ရေးသည် နိုင်ငံရေးအရ ရွေးချယ်ခြင်းကိစ္စ သက်သက်မဟုတ်ဘဲ၊ အသက်ရှင်ရပ်တည်ရေး ကိစ္စဖြစ်သည်ဟု ဆန်တီယာဂို ဇာဘာလာ Santiago Zabala က ဆိုပါသည်။

 “ဝေါလ်စထရ်ိလမ်းမကြီးကို သိမ်းပိုက်ကြ (Occupy Wall Street) လှုပ် ရှားမှုနှင့် စပိန်နိုင်ငံ၏ အင်ဒစ်နာဒို့ စ် (indignados) လှုပ်ရှားမှု တို့ ကို အဓိကရ သတင်း ဌာနကြီးများက

၂၀၁၂ ခုနှစ်မှာ ကွန်မြူနစ်တယောက်ဖြစ်ရေးသည် နိုင်ငံရေးအရ ရွေးချယ်ခြင်းကိစ္စ သက်သက်မဟုတ်ဘဲ၊ အသက်ရှင် ရပ်တည်ရေးကိစ္စဖြစ်သည်။ ယခုနှစ် ကျွန်ုပ်တို ရင်ဆိုင်ကြုံတွေ့နေရသော နိုင်ငံရေး၊ စီးပွားရေးနှင့် လူမှုရေး မညီမျှမှုသည် တကမ္ဘာလုံး အတိုင်းအတာအရ ဖြစ်ပွားနေလျက်ရှိသည်။ အကြောင်းမှာ အရင်းရှင်စနစ်၏ ထုတ်လုပ်ရေးတွက်ကိန်းသည် ကြောက်မက်ဖွယ်ရာ ဖြစ်နေသည်သာမကဘဲ၊ ကျွန်ုပ်တို့၏ အသက်ရှင်ရပ်တည်ရေးကိုပါ ခြိမ်းခြောက်နေသောကြောင့်ဖြစ်သည်။

သည်ကြားထဲ အီရန်ကိုစစ်ဆင်တိုက်ခိုက်မှုက စတော့မလိုဖြစ်နေသည်။ အစိုးရများ၏ ခြိုးခြံချွေတာရေး အစီအစဉ်များကြောင့် အနောက်ကမ္ဘာတ၀ှမ်းမှာ လူထု၏ ကန့်  ကွက် ဆန္ဒပြမှုများ တိုးပွားလာဖွယ်ရှိသည်။ ဤကသောင်းကနင်းဖြစ်မှုများကို နည်းပညာအဆင့်မြင့် လက်နက်များဖြင့် နှိပ်ကွပ်ကောင်း နှိပ်ကွပ်လိမ့်မည်ဖြစ်သည်။
ဤပြဿနာများသည် ဘ၀ပြဿနာများဖြစ်သည်။ ဆိုလိုသည်မှာ ဤပြဿနာများက ကျွန်ုပ်တို့၏ ဘ၀နှင့် ထိစပ်နေသည်ဟူ၍ ဖြစ်သည်။ အဘိဓမ္မာဆရာများကို "ဘ၀ကို ထိန်းကျောင်းပေးသူများ"ဟု ခေါ်လေ့ရှိသည်။ ဘ၀ကို ဆက်လက်ဖျက်ဆီးနေမှုများအား ကျွန်ုပ်တို့ဆန့်ကျင်တိုက်ခိုက်သွားရမည်ဖြစ်သည်။ အချို့သော မျက်မှောက်ခေတ် အဘိဓမ္မာဆရာများက နည်းပညာဆိုင်ရာ (သို့မဟုတ်) ဖန်တီးမှုဆိုင်ရာ (သို့မဟုတ်) ပိုင်းခြားသုံးသပ်မှုဆိုင်ရာ ပြဿနာများကို ဦးစားပေးကာ ဤအခရာပြဿနာကို လျစ်လျူရှုထားကြသည်။ အကြောင်းမှာ ထိုလုပ်ငန်းများဆီမှနေ၍ ရနိုင်စရာရှိသော လတ်တလောအကျိုးကျေးဇူးကြောင့်သော်လည်းကောင်း၊ ဘ၀ပြဿနာကို နားမလည်သော သူတို့ကိုယ်တိုင်က ဖျက်ဆီးခြင်း ခံနေရသောကြောင့်သော်၎င်းဖြစ်သည်။  

ဤပြဿနာသည် အဘိဓမ္မာဆရာများအတွက် အရေးကြီးနေဆဲပင်ရှိသည်။ အကြောင်းမှာ အခြားပြဿနာအားလုံးသည် ဤပြဿနာမှနေ၍ ပေါက်ပွားလာခဲ့ခြင်းကြောင့် ပင်ဖြစ်သည်။ သာဓကအနေနှင့် ဖေါ်ပြပါမည်။ နည်းပညာဆိုင်ရာ ပြဿနာ အများစုအတွက် ဖြေရှင်းနည်းများကို အတွေးခေါ်ရှင်တယောက် ဖြတ်သန်းခဲ့ရာ ရှိရင်းစွဲ အစွဲအလမ်းများ၊ သမိုင်း၊ ယဉ်ကျေးမှုတို့ထဲတွင် အဆင်သင့် ရရှိနိုင်ပါသည်။ သို့ရာတွင် နည်းပညာဆိုင်ရာ အတွေးခေါ်ရှင်ကမူ မိမိဘ၀သည် မိမိလေ့လာရေး၏ အခြေခံ ကျသော လေ့လာရေးနယ်ပယ် ဖြစ်ကြောင်းကို မေ့လျော့နေသည်။ (၉ /၁၁) ဖြစ်ရပ်ကဲ့သို့သော မဟာလူမှုနိုင်ငံရေး ဖြစ်ရပ်ကြီးများနှင့် ပတ်သက်၍သော်၎င်း၊ လက်ရှိ စီးပွားရေးကပ်နှင့် ပတ်သက်၍သော်၎င်း ပိုင်းခြားသုံးသပ်မှုဆိုင်ရာ အဘိဓမ္မာဆရာများထဲက သုံးသပ်ပြသူ မရှိသလောက် ဖြစ်နေရခြင်းမှာ ဤအချက်ကြောင့်ဖြစ်သည်။ အဘိမ္မာဘာသာရပ်သည် ဤကမ္ဘာလောကရှိ ကျွန်ုပ်တို့၏ ဘ၀ရပ်တည်ရေးနှင့် လားလားမျှမဆိုင်ဟု သူတို့သဘောပိုက်ထားကြသည်။

သို့ရာတွင် အဘိဓမ္မာ၏ ဘ၀ဆိုင်ရာအမြင်ကို စိတ်ဝင်စားနေကြဆဲရှိသော အယ်လ်ဂျာဇီးယားသတင်းစာ (Al Jazeera) စာဖတ် ပရိသတ်များ အဖို့မူ၊ ဘ၀ ရပ်တည်ရေးမှာ အစဉ်သဖြင့် ခြိမ်းခြောက် ခံနေရသော အခြေအနေ၌ ကွန်မြူနစ်ဝါဒသည် အဘိဓမ္မာ၏ မူလဘူတ လူမှုနိုင်ငံရေးတာဝန်ကို ပြန်လည် ထမ်းဆောင်ရေး အတွက် နည်းလမ်းတရပ်ဖြစ်လာနိုင်ပါသည်။ တကယ်တော့ ဘ၀ပြဿနာကို အာရုံစူးစိုက်ခဲ့ကြသော ယနေ့ခေတ် အကျော်အမော် အဘိဓမ္မာဆရာများ (ဘက်ဒီယူ၊ ဂီယာနီ ဗက်တီမို၊ ဆလက်ဗော့ ဇီဇက် စသည့် ပုဂ္ဂိုလ်များ) က ဤရာစုသစ်အတွက် ကွန်မြူနစ်ဝါဒ၏ အဓိပ္ပါယ်ကို ပြန်လည် စဉ်းစားပေးခဲ့ကြသည်မှာ အံ့သြစရာ မဟုတ်ချေ။

ဤအပူတပြင်းဖြစ်နေသော ဘ၀ရပ်တည်ရေးဆိုင်ရာ အခြေအနေများကို အသိအမှတ်ပြုရေးအတွက် ကွန်မြူနစ်ဝါဒဆီ ပြန်လှည့်သွားရန်မလိုပါဟု အချို့ပုဂ္ဂိုလ်များက ဆိုကောင်း ဆိုပါလိမ့်မည်။ သို့ရာတွင် ယနေ့အထိ သိရှိနားလည်ထားသော ကွန်မြူနစ်ဝါဒ၏ အဓိပ္ပါယ်အရဆိုလျှင် ဤ၀ါဒသည် လက်တွေ့ အသုံးဝင်သော သဘောတရား ဖြစ်နိုင်ဖွယ်ရှိပါ၏။ ကွယ်လွန်သွားခဲ့ပြီ ဖြစ်သော ပြင်သစ်အဘိဓမ္မာဆရာကြီး ဂျက်ဒါးရီဒါ (Jacques Derrida) ၏ စကားအတိုင်းဆိုရပါလျှင် တချိန်က အရင်းရှင်တို့၏ ကြောက်စရာ့ တစ္ဆေကြီးတကောင်ဖြစ်ခဲ့သော ကွန်မြူနစ်ဝါဒသည် ဘ၀နှင့်အတူ အနောက်တိုင်း အရင်းရှင်စနစ်၏ အနိုင်ယူခြင်းကို ခံလိုက်ရကာ အတိတ်၏ ကြွင်းကျန်ရစ်သော အရာတခုဖြစ်လေသည်။ အဘိဓမ္မာတရားတစ်ခု ဖျက်ဆီးခံလိုက်ရခြင်းပင် ဖြစ်တော့သည်။

ကွန်မြူနစ်စနစ်သည် အရင်းရှင်စနစ်ကို အစားထိုးစရာ နိုင်ငံရေး အင်အားစုတခုအနေနှင့်  ပြန်လည်အားသစ်လောင်းပေး၍ မရနိုင်လောက်အောင်ပင် အလွန် အားနည်းနေသည်ကတော့ အမှန်ပင်ဖြစ်ပါသည်။ သို့ဖြစ်သည့်တိုင် အနောက်တိုင်း နိုင်ငံရေးလောကမှ (တနည်းအားဖြင့် ရွေးကောက်ပွဲ အစီအစဉ်မှ) ကွယ်ပျောက် သွားသလောက်နီးနီး ဖြစ်နေခြင်းကြောင့် ကွန်မြူနစ်ဝါဒသည် လူမှုရေးဆိုင်ရာ စိတ်ဓါတ်တွန်းအား (သို့မဟုတ်) ရွေးချယ်စရာစနစ်တခုအဖြစ် တန်ဖိုး မရှိတော့သည်တော့ မဟုတ်ချေ။ ဤနေရာ၌ အသက်ရှင် ရပ်တည်ရေးအပေါ် အရင်းရှင်စနစ်၏ ခြိမ်းခြောက်မှုကြောင့်သာမက ဆိုဗီယက်ယူနီယံ ကွန်မြူနစ်စနစ် ကျဆုံးသွားမှုကြောင့်ပါ ယနေ့ အခါ၌ လူတယောက်အဖို့ ကွန်မြူနစ်တယောက်ဖြစ်ရန် လိုအပ်သည်ဟု ကျွန်ုပ်ပြောလိုပါသည်။ 

မာ့က်စ်ဝါဒကို မယုံကြည်တော့ဟု ဆိုသူများ၏အမြင်နှင့် မတူခြားနားစွာ ကျွန်ုပ်ဆိုပါမည်။ ဤအရေးနိမ့်မှုသည် သမိုင်းတကွေ့မှာကြုံတွေ့ရသော အရေးနိမ့်မှုသာဖြစ်ပြီး၊ ဤအရေးနိမ့်မှုက ကွန်မြူနစ်ဝါဒအား ဤ ၂၁ ရာစုမှာ နိုင်ငံရေးအင်အားစုတရပ် အဖြစ်သာမက၊ လူသားအပေါင်းကို ကယ်တင်သူအဖြစ်ပါ ပြန်လည် ရှင်သန်လာရေး အတွက် ကြီးစွာသော အခွင့်အလမ်းကို ပေးနေလေသည်။

ဤအကြောင်းကြောင့်ပင် အီရစ်ဟော့စဘွန်းမ် (Eric Hobsbawn) က (၂၁) ရာစု ကွန်မြူနစ်ဝါဒ (ကွန်မြူနစ်စနစ်) သည် ပထမဦးစွာအားဖြင့် အောက်ပါအတိုင်း ဖြစ်လာရမည်ဟု ဆိုခဲ့ခြင်းဖြစ်နိုင်ပါသည်။

ကွန်မြူနစ်ဝါဒဟာ အရင်းရှင်စနစ်ကို ဝေဖန်ခြင်း(တနည်းအားဖြင့်) မွေးရာပါ ပဋိပက္ခတွေကို ကြီးထွားနေစေလျက်ရှိပြီး၊ တရားမျှတမှု ကင်းမဲ့တဲ့ လူ့အဖွဲ့အစည်းကို ဝေဖန်ခြင်း။ တန်းတူညီမျှမှု၊ လွတ်လပ်မှု၊  ချစ်ကြည်ရင်းနှီးမှုတို့ပိုရှိတဲ့ လူ့အဖွဲ့အစည်းတရပ်ကို မျှော်မှန်းခြင်း။ နိုင်ငံရေးလုပ်ဆောင်ချက်မှာ စိတ်ထက်သန်ခြင်း (တနည်းအားဖြင့်) တညီတညွတ်တည်းသော လုပ်ဆောင်ချက်များ လိုအပ်ကြောင်း အသိအမှတ်ပြုခြင်း။ အဆင်းရဲဆုံး၊ အဖိနှိပ်ခံရဆုံး သူများဖက်က ရပ်တည်ပြီး ကာကွယ်ပေးခြင်းဖြစ်ရမယ်။ ဒီနေရာမှာ  ဆိုဗီယက်ယူနီယံရဲ့ လူ့အဖွဲ့အစည်းမျိုး၊ အရာရာကို အဖွဲ့အစည်းနဲ့ လုပ်ရမယ်၊ စုပေါင်းလုပ်ရမယ်ဆိုတဲ့ စီးပွားရေးအဖွဲ့ အစည်းမျိုးကို ဆိုလိုတာတော့ မဟုတ်ဘူး။ ဆိုဗီယက်ယူနီယံရဲ့ ဒီစမ်းသပ်မှု မအောင်မြင်ခဲ့တာဘဲ ဖြစ်တယ်လို့ ကျနော်ယူဆတယ်။

ကွန်မြူနစ်ဝါဒဟာ လုပ်ငန်းစဉ်တရပ်အနေနဲ့  မဟုတ်ပေမယ့်၊ စိတ်ဓါတ်ရေးရာ တွန်းအားတခုအနေနဲ့ အခိုင်အမာရှိနေဆဲဘဲ ဖြစ်တယ်။(အဲရစ် ဟော့စ် ဘွန်းမ်၊ ၂၀၀၃ ခုနှစ်၊ ဧပြီလ ၁၂ရက်နေ့ ၊ Aurora Intxausti, El Pais ၏ တွေ့ ဆုံမေးမြန်းချက် "El comunismo continúa vigente como motivación y como utopía,") 

(၂၀၁၂) ခုနှစ်တွင် ကျွန်ုပ်တို့နှင့်အတူ ဆက်လက်ရှိနေသော ကွန်မြူနစ်ဝါဒသည် နောက်ထပ် ဆိုဗီယက်ယူနီယံတခု တည်ဆောက်ရန် မဟုတ်တော့ချေ။ ဂန္တ၀င် မာ့က္စ၀ါဒ လွှမ်းမိုးနေသော ပညာတတ်လူတန်းစား အမြင်နှင့် ကင်းလွတ်စွာ အဖိနှိပ်ခံပြည်သူတို့၏ ဒီမိုကရေစီနည်းကျ စံနမူနာပုံစံများကို ပြဆိုထားသည်။ မာ့က္စ၀ါဒသည် နက်နဲစွာ ပိုင်းခြားစိစစ်ခြင်း ခံခဲ့ရဖူးသည်။ ဤပိုင်းခြားစိစစ်မှုက မာ့က္စ၀ါဒ၏ အသေအကျေပင် တင်းမာလှသော၊ ကြမ်းတမ်းခက်ထန်သော၊ အယူဝါဒရေးသဘော ဆောင်သော အဆိုပြုချက်များကို တစမကျန် ဖျက်သိမ်းစေခဲ့ကာ၊ ဒီမိုကရေစီကျကျ ပညာပေးမှုကို အားပေးစေခဲ့သည်။ မာ့က္စ၀ါဒသည် လူ့အဖွဲ့အစည်း အစွမ်းကုန် ဖြစ်ပေါ်တိုးတက်မှုအတွက် သိပ္ပံနည်းကျအမြင်များ ဖြည့်ဆည်းပေးခဲ့ရာမှနေ၍ ခံစစ်နေရာသို့ ရောက်သွားခဲ့ရသည်။ ဤအတွက်ကြောင့်ပင် ကွန်မြူနစ်ဝါဒက နောက်ဆုံးမှာ မိမိ၏ ဘက်တော်သားများအား ပေါင်းစည်းညီညွတ်စေခဲ့သည်။ ကွန်မြူနစ်ဝါဒ၏ ဘက်တော်သားများကား မည်သူတို့ ဖြစ်ပါသနည်း?၊ ဘယ်နေရာမှာရှိပါသနည်း?။

"(၂၀၁၂) ခုနှစ်တွင် ကျွန်ုပ်တို့ နှင့်အတူဆက် လက်ရှိနေသော ကွန်မြူနစ်ဝါဒသည် နောက်ထပ် ဆိုဗီယက်ယူနီယံတခု တည်ဆောက်ရန် ရန်မဟုတ်ချေ။"
ရောက်လေရာ နေရာအနှံ့မှာ ဂီယန်နီဗက်တီမို(Gianni Vattimo) နှင့်အတူ ကျွန်ုပ်ရှင်းပြခဲ့သည့်အတိုင်းပင် ကွန်မြူနစ်ဝါဒ၏ ကျန်ရှိနေသေးသော ဘက်တော်သားများ တွင် "အရင်းရှင်ဝါဒ၏ သံလှောင်အိမ်မှ ကင်းလွတ်နေသူများ" (Max Weber ပြောလေ့ရှိသည့်စကား) အားလုံး အကြုံးဝင်ပါသည်။ ဤဘက်တော်သားများကား ဆင်းရဲသားရပ်ကွက်များ၊ ဖွံ့ဖြိုးတိုးတက်မှု မရှိသော တိုင်းပြည်များနှင့် ကမ္ဘာ့လူဦးရေ၏ ၄ ပုံ ၃ ပုံ ကိုကိုယ်စားပြုနေသော်လည်း၊ စီးပွားရေးအရ ဖိနှိပ်မှုနှင့် စစ်ရေးအရ ဖိနှိပ်မှုများအောက်မှာ ဘ၀ ဖျက်ဆီးခံနေကြရပြီး၊ အရင်းရှင်စနစ်၏ လျစ်လျူရှုထားခြင်း ခံရသူများဖြစ်သည်။

ဤသည်ကို တုံ့ပြန်သောအားဖြင့် လူမှုလှုပ်ရှားမှုများက (အထူးသဖြင့် တောင်အမေရိကမှာ) မိမိတို့၏ ကိုယ်စားလှယ်များ (Lula, Morales နှင့် အခြားပုဂ္ဂိုလ်များ) ကို ရွေးကောက်တင်မြှောက်ခြင်းအားဖြင့် ပြန်လည်တိုက်ခိုက်စ ပြုနေကြလေပြီ။ လူ့နင်းပြားတို့၏ ဘ၀များကို ကာကွယ်ပေးရန်နှင့် များစွာလိုအပ်နေသော လူမှုရေး ပြုပြင်မှုများကို ဆောင်ကျဉ်းရန်ဖြစ်သည်။ ဤနိုင်ငံရေး လမ်းကြောင်းသစ်များကို ဖန်တီးနေသူများသည် ၄င်းတို့၏ ဘ၀ရပ်တည်ရေး အကျိုးစီးပွားများကို ကာကွယ်နေသည် သာမကဘဲ၊ အီရန်မှာ စစ်ရေးအရ ၀င်ရောက်စွက်ခြင်းကို၎င်း၊ ကမ္ဘာ့ဘဏ်၏ စီးပွားရေးဆိုင်ရာ ပြဌာန်းချက်များကို၎င်း လောလောဆယ်မှာ ဖိအားပေး ဆန့်ကျင်နေခြင်းအားဖြင့် ကျွန်ုပ်တို့၏ အကျိုးစီးပွားများကိုလည်း ကာကွယ်ပေးရာ ရောက်ပါသည်။

ဤလူထုက ရွေးကောက်တင်မြှောက်ထားသော အစိုးရများသည် အနောက်တိုင်းနိုင်ငံများအဖို့  လူသားအပေါင်းကို ဆက်လက် ဖျက်ဆီးနေရသော အဖြစ်မှ လွတ်မြောက်ရေးအတွက် လိုက်နာကျင့်သုံးနိုင်သည့် စံနမူနာသစ်တရပ်ကို ပြသထားပါသည်။ ဝေါလ်စထရိလမ်းမကြီးကို သိမ်းပိုက်ကြ (Occupy Wall Street) လှုပ် ရှားမှုနှင့် စပိန်နိုင်ငံ၏ အင်ဒစ်နာဒို့ စ်(indignados) လှုပ်ရှားမှုတို့ကို အဓိကရ သတင်းဌာနကြီးများက "ကွန်မြူနစ်"  လှုပ်ရှားမှုများအဖြစ် သရုပ်ဖေါ်ပြနေသည်မှာ စိတ်ဝင်စားဖွယ်ဖြစ်ပါသည် (သို့ရာတွင် အပြည့်အ၀ မှန်သည်တော့ မဟုတ်ချေ)။ ဤသို့ သရုပ်ဖေါ်ပြနေရာ၌ ဤသတင်းဌာနကြီးများသည် ဤကန့်ကွက် ဆန္ဒပြနေသူများ၏ တောင်းဆိုချက်များကို သရော်လှောင်ပြောင်ရန် ကြိုးစားနေခြင်းမျှသာမကဘဲ၊ အများပြည်သူ ကိုယ်စားပြုအမြင်များကို ဖျက်ဆီးပစ်ရန် ကြိုးစားနေခြင်းလည်းဖြစ်သည်။

၂၀၁၂ ခုနှစ်မှာ ကွန်မြူနစ်ဖြစ်ရေးသည် ဖျက်ဆီးပစ်မခံရအောင် ကြိုတင်ကာကွယ်ရေးနည်းလမ်းဖြစ်သည်။ တနည်းဆိုရသော် ကမ္ဘာပေါ်ရှိ ဘ၀၊ ဘ၀များ ဖျက်ဆီးခံနေရခြင်းမှ လွတ်မြောက်ကြောင်းနည်းလမ်းဖြစ်သည်။

ဆန်တီယာဂို ဇာဘာလာသည် ဘာစီလိုနာတက္ကသိုလ် ICREA ၏ သုတေသန ပါမောက္ခဖြစ်သည်။ သူရေးသားခဲ့သော စာအုပ်များတွင် The Hermeneutic Nature of Analytic Philosophy (2008) နှင့် The Remains of Being (2009)တို့ အပါအ၀င်ဖြစ်ပြီး၊ မကြာသေးမီကလည်း ဂီယန်နီဗက်တီမို(Gianni Vattimo) နှင့် တွဲဖက်၍ Hermeneutic Communism (2011)အမည်ရှိ စာအုပ်တအုပ်ကို ရေးသားခဲ့သည်။ ဤစာအုပ်အားလုံးကို Columbia University Press က ထုတ်ဝေခဲ့သည်။ သူ၏ ကွန်ရက်စာမျက်နှာသည်  www.santiagozabala.com ဖြစ်သည်။

မောင်မောင်သန်း မြန်မာပြန်သည်
Being a communist in 2012
http://www.aljazeera.com/indepth/opinion/2012/02/201223111316317303.html

Powered by Bullraider.com

Notice: Undefined index: data in /home2/maukkha/public_html/plugins/system/jsocial_comments/libs/jsocial_tools.php on line 238