လူငယ်တစ်ဦး၏ ခေါင်းဆောင်နိုင်မှုအရည်အသွေး

http://superhypeblog.com/wp-content/uploads/2013/01/zucker_2336766b.jpg

ယနေ့ခေတ်လူငယ်များ သူနှင့် ကင်းနိုင်ကြသည်မဟုတ်။ သူကိုယ်တိုင်ကလည်း လူငယ်တစ်ဦး၊ တစ်နည်း ဆိုရလျှင် ကမ္ဘာ့အချမ်းသာဆုံး လူငယ်တစ်ဦး။ သူဆိုသည်က Facebook ၏ အရှင်သခင်လေး မာ့ခ် ဇပ်ကာဘတ် ဖြစ်သည်။ သူ့ Facebook ကို သုံးစွဲနေသူပေါင်း သန်းထောင်ကျော်ရှိနေသည်။ ဤမျှ အောင်မြင်အောင် စိတ်ကူးကောင်းခဲ့သော ဇပ်ကာဘာတစ်ယောက် သူ၏ လုပ်ငန်းကို မည်သို့ ဦးစီး ဦးဆောင် နိုင်ခဲ့သဖြင့် အောင်မြင်ခဲ့သနည်း။ ပြန်လည် လေ့လာသုံးသပ်ရန်လိုသည်။

သူသည် သာမန်ကျောင်းသားလေးတစ်ဦးဘဝက Facebook ဆိုသည့် လုပ်ငန်းကြီးကို အောင်မြင်စွာ ထူထောင်ပြီး ကြီးပွားချမ်းသာခဲ့သူဖြစ်သည်။ သူ၏အောင်မြင်မှုမှာ အနာဂတ်ကို ကြိုမြင်နိုင်စွမ်းရှိပြီး အုပ်ချုပ် စီမံမှုများ ကောင်းလွန်းသောကြောင့်ဖြစ်ကြောင်းတွေ့ရသည်။ သူအဘယ်ကြောင့် အောင်မြင်သော လူငယ် လုပ်ငန်းရှင်တစ်ဦး ဖြစ်ခဲ့ရသနည်း။

တစ်ခုဆိုတစ်ခု အလုပ်ကိုစွဲမြဲစွာ အာရုံစူးစိုက်လုပ်သည်

မာ့ခ် ဇပ်ကာဘတ် Facebook ကို စတင်ထူထောင်စဉ်က သူ့ Website ကို အောင်မြင်ရမည်ဆိုသည့် စိတ်ဓာတ်ဖြင့် စတင်လုပ်ဆောင်ခြင်းဖြစ်သည်။ ရလဒ်က ကုမ္ပဏီထောင်နိုင်ခဲ့သည်အထိ ကြီးကျယ်သွားခဲ့ရ သည်။ Facebook အောင်မြင်မှုတစ်ခုလုံးကို လေ့လာကြည့်လျှင် သူကိုယ်တိုင် ဦးစီးပဲ့ကိုင်ထားမှုကြောင့်ဖြစ် ကြောင်း တွေ့ကြရမည်သာဖြစ်သည်။

ယခင် စတင်စဉ်က Facemash ဆိုသည့် အမည်နှင့် စတင်ထူထောင်ခဲ့သည်။ နောက်ပိုင်း Facebook ဆိုသည့် အမည်ကို ပြောင်းပေးခြင်းမှာလည်း သူ့စိတ်ကူးသာဖြစ်သည်။ သူကိုယ်တိုင် Facebook ဆိုသည့် Website ကြီးကို ထူထောင်နိုင်ရန်အတွက် သူ့ထက်အတန်းကြီးသော စီနီယာသမားကြီး သုံးဦးနှင့် အမှုရင်ဆိုင်ခဲ့ရသည်။ သူတို့က ဇပ်ကာဘတ်ကို အိုင်ဒီယာခိုးသည်ဟု စွပ်စွဲပြီး တရားစွဲခြင်းဖြစ်သည်။ သို့သော် စိတ်ဓာတ်မကျ၊ နောက်မဆုတ် စိတ်ကူးသစ်များနှင့် Facebook ကို ဖြစ်အောင် ထူထောင်ခဲ့သည်။

Facebook သည် ဆန်းသစ်သည့် လူတိုင်းစိတ်ဝင်စားနိုင်သော အစီအစဉ်များကြောင့် အောင်မြင်သော Website တစ်ခုဖြစ်လာရသည်။ ကမ္ဘာကျော် ဆော့ဖ်ဝဲကုမ္ပဏီကြီးတစ်ခုဖြစ်သည့် Microsoft သည်ပင် Facebook ၏ ရှယ်ယာ ၁ ဒသမ ၆ ရာခိုင်နှုန်းကို ဝယ်ယူထားခဲ့သည်။ ၂၀၀၇ ခုနှစ်က ဝယ်ယူထားခြင်းဖြစ်ပြီး တန်ဖိုး အားဖြင့်တွက်လျှင် ဒေါ်လာ ၁၅ ဘီလီယံဖိုးခန့်ဖြစ်သည်။

Facebook အောင်မြင်မှုတွေက မနားတမ်းဖြစ်လာသည့်အခါ ယခင်က ရှုတ်ချပြောဆိုသူများပင် သူ့ကိုကပ်ချင် သောကြောင့် ကြိုးစားလာကြရသည်။ သူ့ပိုင်ဆိုင်မှုနှင့် အမြတ်အစွန်းများကို စာရင်းချုပ်လိုက်သည့် အခါတွင် လည်း သူသည် ကမ္ဘာ့အချမ်းသာဆုံး ဒုတိယနေရာလောက်ကိုလိုက်နေသည်။

သူထူထောင်ထားသော Facebook ကို လူတိုင်းမကင်းနိုင်၊ လူငယ်တိုင်းမကင်းနိုင်။ သူ့ဗျူဟာက ရှင်းသည်။ တစ်သက်လုံး Facebook ကိုသာတွေးပြီး Facebook တစ်ခုတည်းကိုသာ အာရုံထားလုပ်သောကြောင့် အောင်မြင်ခဲ့ခြင်းဖြစ်သည်။ ဘာလုပ်လုပ် တစ်ခုတည်းကို စွဲမြဲစွာ အာရုံစိုက်လုပ်ဆောင်စေရန် သူက နည်းပေး လမ်းပြ ပြုခဲ့သည်။

သူ့ဝန်ထမ်းများ၏စကား သူနားထောင်သည်

အလုပ်ရှင်ကောင်းတို့မည်သည် သူ့လမ်းစဉ်နှင့် သူသွားတတ်သည်၊ သို့သော် အောင်မြင်သည့် အလုပ်ရှင်များ သည် ကိုယ့်ဝန်ထမ်းများ၏စကားကို နားထောင်တတ်သည်ဆိုသောစကားရှိပါသည်။

၂၀၀၅ ခုနှစ်လောက်က ဇပ်ကာဘတ်သည် Facebook အတွက် ငွေကြေးအခက်အခဲများနှင့် ရင်ဆိုင်ကြုံတွေ့ခဲ့ရ ဖူးသည်။ သူ့ဝန်ထမ်းတွေအတွက်လည်း အနာဂတ်အာမခံချက်တွေ မပေးနိုင်။ သူကိုယ်တိုင် ရှေ့ဆက်နိုင် မည်ကို သံသယဖြစ်ခဲ့ရသည်။

သူ့ကို လုပ်ဖော်ကိုင်ဘက် အပေါင်းအသင်း စီနီယာကြီးတွေက ပြောသည်။ CEO တာဝန်ယူထားသော်လည်း CEO ပုံစံမပေါက်။ သူကိုယ်တိုင် လွတ်လပ်ပေါ့ပါးစွာ နေလွန်းသောကြောင့် လူမလေးစား။ တည်တည်ခန့်ခန့် နေထိုင်ပြီး စီမံအုပ်ချုပ်နိုင်ရန် ကြိုးစားသင့်ကြောင်း အကြံပေးကြသည်။

နောက်ပိုင်းတွင် သူ့ကို အကြံပေးသည့်အတိုင်း တည်ခန့်စွာ နေထိုင်သည်။ ဝန်ထမ်းများကို ခင်မင်စွာ နေထိုင် သော်လည်း လုပ်ငန်းနှင့်ပတ်သက်လျှင် စည်းနှင့်ဘောင်နှင့် ပြတ်သားသည်။ သူ့ကို ဝန်ထမ်းတွေကလည်း သဘောကျလာသည်။ ပွင့်လင်းစွာပေါင်းသင်းပြီး တည်ကြည်စွာ အုပ်ချုပ်စီမံတတ်ခြင်းမှာ သူ့ဝန်ထမ်းများ အလို အတိုင်းဖြစ်သည်။

ကိုယ့်ထုတ်ကုန်အပေါ် ကိုယ်ယုံကြည်သည်

Facebook ၏ သက်တမ်း လေးလသာသာရှိသည့်ကာလတွင် ရင်းနှီးမြှုပ်နှံသူတစ်ဦးသည် ဇပ်ကာဘတ်က ဒေါ်လာ ၁၀ သန်းဖြင့် သူ့ Website ကိုဝယ်ရန် လာရောက်ကမ်းလှမ်းခဲ့သည်။ ထိုစဉ်က ကမ်းလှမ်းသည့်ဈေးမှာ အလွန် မက်မောစရာကောင်းလှသည်။ သို့သော် ဇပ်ကာဘတ်က သူကိုယ်တိုင်မွေးထုတ်ခဲ့သည့် သားသမီး တစ်ဦးကို ရောင်းစားလိုစိတ်ရှိသူမဟုတ်ပေ။ နောက်ပိုင်းတွင် Google, Viacom, News Corp တို့ကလည်း ကမ်းလှမ်းလာကြသည်။

၂၀၀၆ ခုနှစ်တွင် Yahoo က ထပ်ဝင်လာသည်။ ဤတစ်ကြိမ်တွင် ဇပ်ကာဘတ်ကို ကမ်းလှမ်းသည်မှာ သန်း ဂဏန်း မဟုတ်တော့။ ဒေါ်လာ တစ်ဘီလီယံပေးမည်ဟု ကမ်းလှမ်းသည်အထိ ဖြစ်သွားခဲ့သည်။ သို့သော် ဇပ်ကာဘတ်ကလည်း မတ်တပ်ရပ်နိုင်စပြုလာသည့် Facebook လေးကို မရောင်း၊ သုံးစွဲသူ တိုးပွားလာပြီး အောင်မြင်လာမှုကို လက်ပိုက်ကြည့်ကာ အရသာခံနေသည်။

၂၀၀၇ ခုနှစ်တွင် Microsoft က ဒေါ်လာ ၁၅ ဘီလီယံပေးမည်ဟု တံခါးလာခေါက်ပြန်သည်။ ဇပ်ကာဘတ်က ထိုငွေပမာဏကြောင့်လည်း ဒူးမထောက်ခဲ့ပေ။ အဘယ်ကြောင့်နည်း။ ဇပ်ကာဘတ်က သူ့လုပ်ဆောင်ချက် အပေါ် သူယုံကြည်သည်။ သူ့မွေးဖွားခဲ့သည့် Facebook အပေါ် တန်ဖိုးထားသည်။ သူက ဇွဲမလျှော့ လုပ်သင့် လုပ်ထိုက်သည်ကို ဆက်လုပ်သည်။ ထို့ကြောင့် ထိုစဉ်က ကမ်းလှမ်းခဲ့သော ဒေါ်လာ ၁၅ ဘီလီယံဆိုသည်မှာ ယခု ဇပ်ကာဘတ်အနေဖြင့် ဆင်းရဲသားများအပေါ် လှူဒါန်းသလောက်ပင်မရှိ ဖြစ်ခဲ့ရသည်။

ကုမ္ပဏီလမ်းကြောင်းကို ပွင့်လင်းမြင်သာ ချပြထားသည်

ဇပ်ကာဘတ်တွင် ဝန်ထမ်းများကို ဖြုတ်ပစ်သည်ဆိုခြင်းထက် ကောင်းမွန်သည့် လုပ်ငန်းစီမံခန့်ခွဲမှုများကို လုပ်ဆောင်တတ်သည်။ သူက လုပ်ငန်းတွင် တာဝန်ပေးအပ်စဉ်ကတည်းက လူမှန် နေရာမှန်ကို ရွေးချယ် တာဝန်ပေးတတ်ခြင်းကြောင့် သူအလုပ်ဖြုတ်ရသည်ဆိုသူက ခပ်ရှားရှားဖြစ်သည်။

သူက လုပ်ငန်းအတွက် နေရာပေးပြီး ခန့်အပ်လိုက်ပြီဆိုသည်နှင့် Facebook ၏ ဦးတည်ချက်၊ ရှေ့ဆက်ရမည့် လမ်းကြောင်း၊ ရည်ရွယ်ချက်များကို ပွင့်လင်းစွာ ထုတ်ဖော်ပြောကြားထားသည်။ သူ့ယုတ္တိဗေဒနည်းက ရိုးစင်း လှသည်။ မိမိထံတွင် ကြီးမားသည့် အဖွဲ့အစည်းကြီးတစ်ခု ရှိနေပြီဆိုလျှင် အဖွဲ့ကိုဦးဆောင်နေသူ တစ်ဦး အနေဖြင့် ဘာလုပ်တော့မည့်ဆိုသော မိမိအမြင်ကို ပွင့်လင်းစွာ ချပြထားခြင်းဖြစ်သည်။

မည်သည့်လမ်းကြောင်းကို သွားလိုကြောင့် ပွင့်လင်းစွာပြောပြထားမှ လုပ်ဆောင်ရမည့် သူတွေကလည်း မည်သို့ လိုက်ပါဆောင်ရွက်ရမည်ကို ကောင်းစွာ သဘောပေါက်နိုင်ပြီး၊ မည်သို့လိုက်ပါရမည်ကို ခွဲခြားဆုံးဖြတ် နိုင်စွမ်းရှိမည်ဖြစ်သည်။

ဤနည်းဖြင့် မိမိတို့ ထုတ်လုပ်နေသည့် ထုတ်ကုန်၏ သဘောတရားကိုလည်း ဝန်ထမ်းတိုင်းကသိသည်။ ငါတို့ လုပ်ငန်းရှင်က ဘာဖြစ်ချင်သောကြောင့် ဤလုပ်ငန်းကို လုပ်နေကြောင်းလည်း ကောင်းစွာသဘောပေါက်သည်။ ဇပ်ကာဘတ်သည် သူ့အတွေးအမြင်ကို သူ့ဝန်ထမ်းများကိုသာသာ ပွင့်လင်းစွာ ပြောထားသည် မဟုတ်။ သူ့ ရှယ်ယာရှင်များကိုလည်း ပြောပြထားပြီးဖြစ်သည်။

ကိုယ်လမ်းကြောင်းကိုသာဦးတည်လျှောက်သည်

အဲလ်ဘတ် အိုင်စတိုင်းလို အိုင်ကျူမမြင့်သောကြောင့် လုပ်ငန်းတစ်ခုတွင် ဦးဆောင်နေသူ တစ်ဦး အနေဖြင့် စိတ်ဓာတ်ကျစရာ မလိုပေ။ လုပ်ငန်းတစ်ခုကို ဦးဆောင်နိုင်ရန် အိုင်စတိုင်းလို အိုင်ကျူမျိုးရှိရန် မလိုပါ။ ကိုယ့် အလုပ်အထာကို ကိုယ်ကောင်းစွာ နားလည်ပြီး စီမံအုပ်ချုပ်တတ်ရန်သာ လိုပါသည်။ ဇပ်ကာဘတ် အောင်မြင် လာရခြင်းမှာ သူ့အလုပ်ကိုသူ ကောင်းစွာနားလည်ပြီး ကိုယ့်လမ်းကြောင်းကို ကိုယ့်စိတ်ကူးရည်မှန်းထားသည့် အတိုင်း လျှောက်နိုင်ခဲ့သောကြောင့် ဖြစ်ပါသည်။

Instagram ဆိုသည့် မိုဘိုင်းလ် ဓာတ်ပုံများကို ဖြန့်ဝေပေးသည့် ဆော့ဖ်ဝဲနှင့် ယင်းလုပ်ငန်းကို Facebook က ဒေါ်လာ ၁ ဘီလီယံပေးပြီး ဝယ်ခဲ့သည်။ သူသည် Facebook ကို အလွယ်တကူရောင်းခဲ့သူမဟုတ်သလို၊ သူများတီထွင်ထားသော Instagram ကိုလည်း ပညာသားပါပါဖြင့် စဉ်းစားတွေးဆပြီး အကွက်ချကာ ဝယ်နိုင်အောင် ကြိုးစားခဲ့သည်။

မူလက Instagram ကတောင်းဆိုသည့် ဈေးနှုန်းမှာ သူပေးဝယ်ခဲ့ရသည့်ဈေးထက် ထက်ဝက်ခန့်မြင့်နေသည်။ သို့သော် ဇပ်ကာဘတ်သည် သွေးအေးစရာရှိလျှင် အရမ်းသွေးအေးသည်။ အလောတကြီးမဝယ်။ Instagram သည် သူ့ကို မရောင်းလျှင် မဖြစ်သည့် အနေအထားကို သူက Facebook ပေါ်တွင် လုပ်ပြထားသည်။ နောက်ဆုံး သူ Instagram ကိုရလိုက်သည်။ ကိုယ့်လမ်းကြောင်းအတိုင်း ကိုယ်လျှောက်နေသော်လည်း အခြား သူပေါင်းစေချင်သည်ကို ပူးပေါင်းလာအောင် လုပ်နိုင်စွမ်းအား ချီးကျူးရမည်သာဖြစ်သည်။

စီးပွားဖက်အပေါ်တန်ဖိုးထားသည်

အောင်မြင်သည့် လုပ်ငန်းကြီးများ ကုမ္ပဏီကြီးများကိုကြည့်လျှင် အဖွဲ့အစည်းကောင်းကောင်းဖြင့် ထူထောင်ပြီး ပူးပေါင်းလုပ်ဆောင်တတ်ကြကြောင်းတွေ့ရသည်။ ဇပ်ကာဘတ်ကလည်း ထိုသဘောတရားကို ကောင်းကောင်း သဘောပေါက်ထားသည်။ စီးပွားရေးလောကတွင် Mark Zuckerberg-Sheryl Sandberg ဆိုသည့် ပူးပေါင်း ဆောင်ရွက်မှု တစ်ခုကို လုပ်ဆောင်လိုက်နိုင်ခြင်းမှာ သက်သေဖြစ်သည်။

Sheryl Sandberg သည် Google က ထွက်လာပြီးနောက် Facebook နှင့် ပူးပေါင်းလိုက်သည်။ သူတို့ နှစ်ဦး ပူးပေါင်းလိုက်မှ Facebook သည် သိသိသာသာ တစ်ဟုန်ထိုး တက်လာခဲ့သည်။

ဇပ်ကာဘတ်က သူသည် စီးပွားရေးသမားမဟုတ်။ သူသည် လုပ်ငန်းကို စီမံအုပ်ချုပ်နိုင်ရန်ဆိုသည်မှာလည်း နေရာတိုင်းတွင် မတတ်နိုင်ဟု ပွင့်လင်းစွာ ဝန်ခံထားသည်။ သူက အတွေးသမား၊ တီထွင်သူ၊ စိတ်ကူး ကောင်းသူ တစ်ဦးသာဖြစ်ခဲ့သည်။ ထို့ကြောင့်လည်း Facebook ကို အောင်မြင်စွာ အုတ်မြစ်ချနိုင်ခဲ့သည်။ သို့သော် ထိုအုတ်မြစ်ပေါ်တွင် ဆက်လက်ပြီး တည်ဆောက်သွားရန်မှာ လုပ်ငန်းကို ကောင်းစွာ စီမံအုပ်ချုပ် ကိုင်တွယ်သွားနိုင်သူလိုအပ်သည်။ ထို့ကြောင့်လည်း ဇပ်ကာဘတ်က Sheryl Sandberg ကို အားကိုးလိုက် ခြင်းဖြစ်သည်။ သူကိုယ်တိုင် Sheryl Sandberg အပေါ် ယုံကြည်တန်ဖိုးထားသလို အကျိုးအမြတ်တွေ ပြန်ရ နိုင်ခဲ့သည်မှာ သက်သေဖြစ်သည်။

(Ref : Leadership Lessons from Mark Zuckerberg, Nisha Samson)


 

Powered by Bullraider.com