တရုတ်ပညာရေးမူဝါဒသစ်နှင့် မိဘများ၏သောက

နန်ကျင်းမြို့၏ ဇန်နဝါရီလ ညနေခင်းအချိန်တွင်ဖြစ်သည်။ တရုတ်နိုင်ငံ ကျင်စုပြည်နယ်၊ နန်ကျင်းမြို့လေး၏ ညနေဆည်းဆာ အချိန်တွင် ချိယန်ကျိပင်း အထက်တန်းကျောင်းထဲမှ ကျောင်းသား ကျောင်းသူများသည် ကျောင်းထဲက ခြေလှမ်းများ လေးတွဲ့စွာဖြင့် ထွက်လာကြသည်။ ကျောင်းဝင်းအဝင်ဝ ဂိတ်ပေါက်တွင် သူတို့ မိဘများက စောင့်နေကြသည်။ ကျောင်းသားများနှင့် မိဘများ တီးတိုးစကားတွေ ပြောနေကြသည်။ အချို့သော မိဘများကလည်း သူတို့စီးလာသည့် မော်တော်ဆိုင်ကယ်များကို စက်နှိုးထားပြီး စောင့်စားနေကြသည်။

ကောင်မလေးတစ်ယောက် ဂိတ်ပေါက်ဝတွင် သူမ၏ မိခင်နှင့် ရပ်ပြီးစကားပြောနေသည်။ မိခင်က အိမ်မှချက် လာသည့် ထမင်းဘူးကိုပေးရင်း အားပေးစကားတွေပြောနေသည်။ သမီးဖြစ်သူသည် နောက်လာမည့် ငါးလခန့် တွင် တရုတ်နိုင်ငံ၏ အရေးအကြီးဆုံး တက္ကသိုလ်ဝင်စာမေးပွဲတစ်ခုဖြစ်သည့် ကောင်းခေါင် (Gaokao) စာမေးပွဲကို ဖြေဆိုရတော့မည်ဖြစ်သည်။ ကျောင်းပြီးသော်လည်း သူတို့ ကျောင်းတွင် နောက်ထပ် လေးနာရီ ထပ်နေပြီး အချိန်ပိုသင်ကြားခြင်းကို ခံယူရဦးမည်ဖြစ်သည်။ တရုတ်အထက်တန်းကျောင်းတိုင်းလိုလို တက္ကသိုလ်ဝင်စားမေးပွဲဝင်မည့် ကျောင်းသား ကျောင်းသူများ အချိန်ပိုကို တက်နေကြရသည်သာဖြစ်သည်။

ယမန်နှစ်မေလကတည်းက မိဘများ မကျေမနပ်ဖြစ်နေကြသည်။ ထို့ကြောင့် လမ်းပေါ်ထွက်ဆန္ဒပြမှုများ မိဘများ လုပ်လာကြသည်။ တက္ကသိုလ်ဝင်ခွင့်နှင့် ပတ်သက်ပြီး ခွဲဝေပုံမကျေနပ်ကြသောကြောင့်ဖြစ်သည်။ အထူးသဖြင့် ဆင်းရဲသည့်ဒေသများမှ ကျောင်းသားပေါင်း ၃၈၀၀၀ ခန့်ကို နာမည်ကြီး တက္ကသိုလ်များသို့ တိုက်ရိုက်ဝင်ခွင့်ပြုမည်ဆိုသည့်သတင်းကြောင့် မိဘများ မကျေမနပ်ဖြစ်နေကြသည်။ သူတို့မြို့ကြီးများက ကျောင်းသားတွေ သေလောက်အောင်ကြိုးစားသော်လည်း အရာမထင်နိုင်သဖြင့် မိဘများ သောကရောက် နေကြရခြင်းဖြစ်သည်။

ထောင်ပေါင်းများစွာသော မိဘများသည် လမ်းပေါ်ထွက်လာပြီး ပညာရေးဝန်ကြီးဌာနကို ဆန္ဒပြခဲ့ကြသည်။

“ပညာရေး မျှတစွာ စဉ်းစားပေး”

“တက္ကသိုလ်ဝင်စာမေးပွဲလျှော့ချရေး အလိုမရှိ” ဆိုသည့် ကြွေးကြော်မှုများကို ဟစ်အော် ကြွေးကြော်ခဲ့ကြသည်။

သူတို့သည် ဆန္ဒပြသည့်ပုံများ၊ ဗီဒီယိုမှတ်တမ်းများကို ဆိုရှယ်မီဒီယာများပေါ်သို့တင်ကြသည်။ ဆိုရှယ်မီဒီယာ များပေါ်သို့ရဲများက အကြမ်းဖက်ရိုက်နှက်နေပုံများ တက်လာသည်။ အမွှေးတိုင်များကိုင်လာပြီး ချီတက် လာသည့် မိဘများကို ရဲတွေက ရိုက်နှက်နေပုံဖြစ်သည်။ အလားတူ ဆန္ဒပြမှုများ မြို့ပေါင်း ၁၃ မြို့တွင် ဖြစ်ပွား ခဲ့သည်။ အထူးသဖြင့် တက္ကသိုလ်ဝင်တန်း ဝင်ခွင့်ကို ကျောင်းသားများ လျှော့ချလိုက်သည့်အတွက် မကျေနပ်ကြခြင်းဖြစ်သည်။

ချိယန်ကျိပင်းကျောင်းဂိတ်တွင် ရပ်နေသော မိခင်တစ်ဦးက သူလည်း ဆန္ဒပြပွဲတွင် ပါဝင်ခဲ့ပြီး အဘယ်ကြောင့် ပါဝင်ခဲ့ရကြောင်း ပြောကြားသည်။

“ဒီကျောင်းက ကျောင်းသားတွေဟာ ည ၉ နာရီခွဲလောက်အထိကို ကျောင်းတက်ကြရတယ်။ နေ့တိုင်းတက် ကြရတာ။ ဒါကြောင့် တောနယ်ဘက်တွေက ကျောင်းသားတွေလည်း ပိုပြီး အခွင့်အရေးရသင့်ပါတယ်” ဟုသူမကဆိုသည်။ သူက တောနယ်ရှိ ကျောင်းသားများကို မနှိမ့်ချစေလိုကြောင်း၊ မြို့ကြီးများရှိ အထက်တန်းကျောင်းသား များနှင့် တန်းတူအခွင့်အရေးရသင့်ကြောင်း ပြောကြားသည်။

တရုတ်နိုင်ငံတွင် ရှန်ဟိုင်းနှင့် ဘေကျင်းတို့လိုမြို့ကြီးများမှ ကျောင်းသားများမှာ တက္ကသိုလ်ဝင်ခွင့် ၂၄ ရာခိုင်နှုန်း သတ်မှတ်ထားပြီး ကျင်ဆုလိုတောမြို့လေးမှ ကျောင်းသားများကို ၉ ရာခိုင်နှုန်းခန့်အထိထားပေးထား သည်။ တရုတ်နိုင်ငံတွင် ပြည်နယ်အလိုက် တက္ကသိုလ်ဝင်ခွင့် သတ်မှတ်ပေးပုံချင်း မတူညီကြပေ။ ဥပမာ တရုတ်နိုင်ငံ ဘေကျင်းနှင့် ကျင်ရှီးတို့တွင် နေထိုင်ကြရသည့် တက္ကသိုလ်ဝင်တန်းစာမေးပွဲဖြေဆိုရမည့် ကျောင်းသားများ အတွက် အခွင့် အရေးမတူညီကြပေ။ ဘေကျင်းထက် ကျင်ရှီးပြည်နယ်မှ ကျောင်းသားများက တက္ကသိုလ်ဝင်ခွင့်ပိုနည်းကြသည်။ ဘေကျင်းမှ တက္ကသိုလ်ဝင်ကျောင်းသား ၈၀၀၀၀ တွင်သိပ္ပံကျောင်းသား အဖြစ် ဝင်ခွင့် ၁၈၀၀ လက်ခံသည့်နှုန်းနှင့်၊ ရှန်ဒေါင်းပြည်နယ်မှ ကျောင်းသားပေါင်း ၆၆၀၀၀၀ တွင် သိပ္ပံ ကျောင်းသား ၃၈ ဦးသာ လက်ခံမည်ဆိုသည်အချိုးမှာ အလွန်မမျှတရာရောက်သဖြင့် မိဘများ မကျေမနပ် ဖြစ်နေကြရသည်။

မိဘများသောကမှာ တက္ကသိုလ်ကောင်းကောင်း ဝင်ခွင့်မရမည့် အရေးသာဖြစ်သည်။ တရုတ်နိုင်ငံ၏ ကော်လာဖြူ အလုပ်ဈေးကွက်တွင် တက္ကသိုလ်ကျောင်းကောင်းကောင်းက ထွက်လာသည့်သူများကိုသာ ဦးစားပေးခေါ်နေဆဲဖြစ်သည်။ ထို့ကြောင့် ကျောင်းကောင်းကောင်းတက်ခွင့်များကို အစိုးရအနေဖြင့် မမျှမတ စဉ်းစားဆုံးဖြတ်ထားပါက ကောင်းခေါင်စာမေးပွဲအတွက် ငွေနှင့်အချိန်ပေါင်းများစွာ ရင်းနှီးမြှုပ်နှံထားရသော မိဘများမှာ စိုးရိမ်စရာဖြစ်နေသည်။

ဆင်ဟွာတက္ကသိုလ်မှ နိုင်ငံရေးသိပ္ပံပါမောက္ခ ဝူကျင်းကလည်း ဆန္ဒပြသူများကို ဦးဆောင်ခဲ့သူဖြစ်သည်။ သူကလည်း ကောင်းခေါင်စာမေးပွဲအောင်မြင်သူများ ဝင်ခွင့်လျှော့ချခြင်းနှင့် ပတ်သက်ပြီး မကျေမနပ်ဖြစ်နေ သည်။ သူက ပညာတတ် အလယ်အလတ်တန်းစားများကို ပိုပြီးဖွံ့ဖြိုးတိုးတက်လာစေရန် ဦးစားပေးသင့်ကြောင်း ထောက်ခံသူဖြစ်သည်။

“ခေတ်အဆက်ဆက် နိုင်ငံရေးမှာ လူလတ်တန်းစားတွေ ပြောဆိုခွင့်လည်းမရှိ၊ အခွင့်အရေးတွေလည်း မရခဲ့ ကြဘူး။ သူတို့မှာ နိုင်ငံရေးလည်း ပါဝင်ခွင့် မရှိကြဘူး။ သူတို့အတွက် ထောက်ခံပြောဆိုပေးမယ့်လူတွေလည်း နည်းကြတယ်” ဟုသူကဆိုသည်။

သို့သော် ယခုခေတ်တွင် ပြောင်းလဲလာခဲ့ပြီဖြစ်သည်။ အထူးသဖြင့် ဆိုရှယ်မီဒီယာများကြောင့် တစ်ချိန်လုံး ခေါင်းငုံ့ခံခဲ့သူများသည် ထုတ်ဖော်ပြောဆို ဝေဖန်ခွင့်များရလာခဲ့ကြသည်။ ထို့ကြောင့် ပါတီ၏အကြီးအကဲ သားသမီး ဖြစ်စေ၊ ချမ်းသာသည့်သူများ၏ သားသမီးများဖြစ်စေ အားလုံးတန်းတူညီမျှ အခွင့်အရေးရသင့် ကြောင်း သူတို့ အရေးဆိုလာကြခြင်းဖြစ်သည်။ အထူးသဖြင့် နိုင်ငံရေးသမားများ အခွင့်ထူးခံနေခြင်းအပေါ် သူတို့ဆန့်ကျင်နေကြခြင်းဖြစ်သည်။

တရုတ်နိုင်ငံတွင် ကောင်းခေါင်စာမေးပွဲကို နိုင်ငံ၏ အရေးအကြီးဆုံး စာမေးပွဲတစ်ခုအနေဖြင့် သတ်မှတ်ထား ကြသည်။ အထက်တန်းအဆင့်ရောက်လာသည့် ကျောင်းသားများအတွက် ဝင်ခွင့်ဖြေဆိုရန် ကြိုးစားနေသည့် ကာလမှာ ထောင်ကျနေကြရသည့် ကာလဖြစ်သည်။ ကောင်းခေါင်စာမေးပွဲသည် အမေရိကန် SAT စာမေးပွဲနှင့် တန်းတူအဆင့်ရှိသည်ဟုဆိုကြသည်။

စာမေးပွဲတွင် တရုတ်ဘာသာစာပေ၊ သင်္ချာ၊ အင်္ဂလိပ်နှင့် အခြားစိတ်ကြိုက်ရွေးချယ်ထားသည့် ဘာသာများကို ဖြေကြရသည်။ ၂၀၁၃ ခုနှစ်တွင် ကောင်းခေါင်စာမေးပွဲကို မသမာစွာနှင့် ဖြေဆိုမှုကို ကြုံတွေ့ခဲ့ကြရသည်။ အီလက်ထရွန်းနစ်ပစ္စည်းများ အထောက်အကူနှင့်စာမေးပွဲဖြေဆိုနေမှုကို ဖမ်းမိခြင်းဖြစ်သည်။ ခေတ်သစ်နည်း များအရ မျက်မှန်၊ နာရီစသည့်ပစ္စည်းများသည် ပြင်ပနှင့် ချိတ်ဆက်ပြီး မသမာမှုများကို လုပ်ဆောင်နိုင်လာ သဖြင့် စာမေးပွဲခန်း လုံခြုံရေးကိုလည်း ပိုပြီး သတိထားလာကြရသည်။ ဒရုန်းယာဉ်များ စာဖြေသူများအပေါ် ဝဲပျံကာစောင့်ကြည့်ခြင်း၊ သတ္တုနှင့် ရေဒီယိုလှိုင်းများထောက်လှမ်းသည့် ပစ္စည်းများ တပ်ဆင်ခြေရာခံခြင်းများကို စာမေးပွဲဖြေဆိုသည့် ဌာနတိုင်းတွင် တပ်ဆင်အသုံးပြုလာကြကြောင်းတွေ့ရသည်။

လက်ရှိလည်း ကောင်းခေါင်စာမေးပွဲဖြေဆိုသူများအား မသမာသည့် နည်းလမ်းများ အသုံးပြုပြီး ဖြေဆိုလျှင် ထောင်ဒဏ် ၇ နှစ်ကျခံရမည်ဆိုသော ဥပဒေများ ထုတ်ပြန်ထားပြီဖြစ်သည်။ ထို့ကြောင့်လည်း မသမာမှုများဖြင့် စာဖြေခြင်းများ လျှော့နည်းကျပြီး အားထုတ်မှု ပြိုင်ဆိုင်မှုများလာသည့်ကြားက မတူညီသည့် ဝင်ခွင့်လက်ခံမှုများ ကြောင့် မိဘများ ဒေါသထွက်နေကြရတော့သည်။

ကောင်းခေါင်စာမေးပွဲဖြေဆိုရာတွင် ပထမဆုံးအကြိမ်အဖြစ် ရဲတပ်ဖွဲ့ (SWAT) များအကူအညီကို သုံးလာကြ သည်။ စာမေးပွဲခန်းတိုင်းတွင် ရဲတပ်ဖွဲ့အရာရှိ အနည်းဆုံး ၈ ဦးထားပေးထားသည်။ ယမန်နှစ်က ကောင်းခေါင် စာမေးပွဲ ဝင်ရောက်ဖြေဆိုသူ ၉ ဒသမ ၄ သန်းတွင် အောင်မြင်သူ ၃ သန်းခန့်သာရှိသည်။ နာမည်ကျော် တက္ကသိုလ်ကြီးများသို့ ကျောင်းသား ၁၀ ဦးလျှင် ၁ ဦးမျှသာ ဝင်ခွင့်ရခဲ့ကြသည်။ အောင်မြင်သူ လေးပုံတစ်ပုံ ခန့်မှာ မျှော်လင့်ထားသကဲ့သို့ဖြစ်မလာသဖြင့် အပြင်ထွက်ပြီး ရရာအလုပ်တွေကို လုပ်နေကြရသူများလည်း ရှိလာသည်။

အကယ်၍သာ ကောင်းခေါင်ဆိုသည့် တက္ကသိုလ်ဝင်စာမေးပွဲကြီး၏ ဝင်ခွင့်ရမှတ်ကန့်သတ်ချက်များသာ မရှိခဲ့လျှင် ကော်လာပြာလုပ်သားများအတွက် လုပ်ခလစာ နည်းပါးနေခြင်းများ လျှော့ကျသွားဖွယ်ရာရှိပြီး အခွင့် အရေးများ ပိုရလာမည်ဟု ဝေဖန်သူတွေကလည်း ဝေဖန်နေကြသည်။

တရုတ်နိုင်ငံတွင် မိသားစုတစ်စုလျှင် ကလေးတစ်ယောက်နှုန်းပေါ်လစီကို ဖျက်သိမ်းလိုက်ပြီဆိုစေ လက်ရှိ တက္ကသိုလ်ဝင်ခွင့်ကိုယှဉ်ပြိုင်နေကြသူများများ တစ်စု တစ်ယောက်ဆိုသည့် ပေါ်လစီအရ မွေးဖွားလာကြသူများ ဖြစ်ကြသည်။ ထို့ကြောင့်လည်း တစ်ယောက်ဆိုတစ်ယောက် ထွန်းတောက်လာစေရန် မိဘများက ကောင်းခေါင် စာမေးပွဲ၏ အဆုံးအဖြတ်ကို ခံယူရန် အသင့်ဖြစ်နေကြကာ ငွေကုန်ကြေးကျခံ၊ အချိန်ကုန်လူပန်းခံပြီး ယှဉ်ပြိုင်မှုကို လုပ်နေကြခြင်းဖြစ်သည်။

မိဘများက တစ်ဦးတည်းသော သားသမီးများအတွက် အကောင်းဆုံး ကလေးထိမ်းငှားကာ ငယ်စဉ်ကတည်းက စောင့်ရှောက်ရသည်။ ကျောင်းထားသည့်အခါတွင်လည်း အကောင်းဆုံးကျူရှင်၊ အကောင်းဆုံးကျောင်းများကို ငွေပေါင်းများစွာ အကုန်ခံပြီး ရင်းနှီးမြှုပ်နှံခဲ့ကြသည်။ သူတို့အားလုံးအတွက် ဘုံဦးတည်ချက်မှာ ကောင်းခေါင် စာမေးပွဲကို အမှတ်ကောင်းကောင်းရပြီး တက္ကသိုလ်ကောင်းကောင်း ဝင်ခွင့်ရရေးသာဖြစ်သည်။

တရုတ်နိုင်ငံအတွင်း လူလတ်တန်းစားများ ပေါများလာခြင်းနှင့် မြို့နေလူတန်းစားတို့က သားသမီးများကို ပညာတတ်များ ဖြစ်လာစေရေး ဦးစားပေးရာတွင် တရုတ်၏ အရိုးစွဲလာသည့်ပညာရေးစနစ်က ထောက်ပြ ဝေဖန်စရာများဖြစ်လာခဲ့ရသည်။

အသက် ၄၂ နှစ်အရွယ် လင်းဆိုသူအမျိုးသမီးကြီးက နန်ကျင်းအလယ်တန်းကျောင်းတွင်သူ့ကလေးကို ကျောင်းထားသည်။ သူ၏ ဝေဖန်ထောက်ပြချက်ကလည်း အလွန်ကောင်းသည်။

“ဘုရ်ှအစိုးရလက်ထက်မှာ အီရတ်နဲ့ စစ်ဖြစ်တယ်။ စစ်သားတွေ စုဆောင်းတော့ အမေရိကမှာရှိတဲ့ အလယ်တန်းစားတွေ၊ ဆင်းရဲသားတွေ အများဆုံးပါသွားကြတာပဲ။ အထက်တန်းစားတွေကနည်းပါလိမ့်မယ်။ အားလုံး စွန့်လွှတ်အနစ်နာခံကြရတာပါပဲ။ ဘယ်သူမှ အခွင့်အရေးပိုမရကြပါဘူး။ ဒီအတိုင်းပဲဖြစ်ရမှာပေါ့”

ကောင်းခေါင်စာမေးပွဲကို ဝင်ရောက်ဖြေဆိုနေကြရသည့် တရုတ်ကျောင်းသားလေးများဘဝသည် အလွန် သနားစရာကောင်းသည်။ သူတို့ဘဝတွေက စာမေးပွဲမဖြေဆိုမီ ထောင်ကျနေသလို နေထိုင်ကြရသည်။ အချို့လည်း စိတ်ဓာတ်တွေကျပြီး ကိုယ့်ကိုယ်ကိုယ်သတ်သေမှုများ ဖြစ်နေကြရသည်။

ယခုဆိုလျှင် လင်း၏သမီးက ၈ တန်းအဆင့်တွင် တက်နေသည်။ သူက သမီးအေမီအတွက် စိုးရိမ်နေသည်။ ထို့ကြောင့် တရုတ်ကောင်းခေါင် စာမေးပွဲဝင်ခိုင်းရမည်လား၊ အမေရိကန်ပြည်ထောင်စုကိုလွှတ်ပြီး ကျောင်းသွား ထားရမည်လား စဉ်းစားနေပြီဟုဆိုသည်။

ကောင်းခေါင်စာမေးပွဲရလဒ်နှင့် ဝင်ခွင့်လက်ခံရေးစနစ်များကို အစိုးရက မပြင်လျှင် မိဘတွေကလည်း စဉ်းစားစရာဖြစ်လာသည်။ စိတ်ဒုက္ခခံပြီး ကောင်းခေါင်ကိုကြိုးစားဖြေခိုင်းမည်လား၊ နိုင်ငံခြားလွှတ်ရမည်လားဟု ရွေးချယ်စရာဖြစ်လာခြင်းပင်။ လင်းက

“ကျွန်မတို့က နိုင်ငံခြားတက္ကသိုလ်ကို အထင်ကြီးလို့တော့ မဟုတ်ဘူး။ ဒါပေမဲ့ ကလေးကို အခွင့်အရေး ပိုကောင်းအောင် ရွေးချယ်ခွင့်ပေးမယ်ဆိုရင် အခြား ရွေးချယ်ခွင့်လည်း မရှိဘူး” ဟုဆိုသည်။

(Ref : China’s Middle Class Anger at its Education System Is Growing, Lauren Teixeira)

Powered by Bullraider.com