ဖင်လန်နိုင်ငံ ပညာရေးစနစ်ကရလိုက်သည့် သင်ခန်းစာသုံးခု

http://www.slowfamilyonline.com/wordpress/wp-content/uploads/2013/02/findardized-tests.jpg

ဖင်လန်နိုင်ငံပညာစနစ် ပြုပြင်ပြောင်းလဲမှုကို လွန်ခဲ့သော နှစ်ပေါင်း ၄၀ ခန့်ကတည်းက ဆက်တိုက် ပြုလုပ်ခဲ့ သည်။ ယနေ့ဆိုလျှင် ဖင်လန် ပညာရေးစနစ်သည် ကမ္ဘာ့ဖွံ့ဖြိုးတိုးတက်သည့် နိုင်ငံများထဲတွင် ထိပ်ဆုံးရောက် နေသည့် နိုင်ငံတစ်နိုင်ငံဖြစ်နေပြီ။ PISA (Programme ror International Student Assessment) အဖွဲ့၏ တိုင်းတာချက်များအရ လွန်ခဲ့သော ၁၅ နှစ်အတွင်း ဖင်လန်နိုင်ငံသည် အခြားသော နိုင်ငံများထက် ဘာသာစကား၊ သင်္ချာနှင့် သိပ္ပံပညာရပ်များတွင် အထူးချွန်ဆုံး နိုင်ငံတစ်နိုင်ငံဖြစ်ကြောင်း သိရသည်။ ထို့ကြောင့် ဖင်လန်နိုင်ငံသည် အဘယ်ကြောင့် ပညာရေးတွင် အထူးချွန်ဆုံး နိုင်ငံတစ်နိုင်ငံဖြစ်လာရကြောင်း လေ့လာဆန်းစစ်ရန် လိုပေသည်။

ဖင်လန်နိုင်ငံမှာ ကလေးများသည် အသက် ၇ နှစ်ပြည့်မှ ကျောင်းတက်ကြရသည်။ အသက် ၇ နှစ်အရွယ်ကို သူတို့က သင်ယူရန် အကောင်းဆုံးနှင့် ဉာဏ်ရည် အဖွဲ့ဖြိုးဆုံး အရွယ်ဟု သတ်မှတ်ထားပြီး အသက် ၉ နှစ် အရွယ် ကလေးတိုင်းအတွက် မသင်မနေရ ပညာရေးစနစ်ကို ပြဋ္ဌာန်းပေးထားသည်။

ကျောင်း၏ စာသင်ချိန်အတိုဆုံး၊ ကျောင်းသားဦးရေ အနည်းဆုံး စာသင်ခန်းများဖြင့် သင်ကြားမှုများကို လုပ်ဆောင်ကြသည်။ အိမ်စာကို လုံးဝမပေးသလောက်ဖြစ်သည်။ စာမေးပွဲကို အခြားနိုင်ငံများတွင် ကျင်းပ သလို ဦးနှောက်ခြောက်လောက်အောင် စာတွေကျက်ပြီး ဖြေကြားခိုင်းခြင်းလည်း မရှိပေ။ စာမေးပွဲမရှိသော နိုင်ငံတစ်နိုင်ငံဖြစ်သည်။ စာမေးပွဲမရှိသလို အဆင့် သတ်မှတ်ချက်လည်းမရှိ၊ ပြိုင်ဆိုင်မှုလည်းမရှိ၊ ထူးချွန် စံပြကျောင်းသားဆိုသည်လည်း မရှိသော နိုင်ငံတစ်နိုင်ငံဖြစ်သည်။

ဖင်လန်နိုင်ငံတွင် တက္ကသိုလ်နှင့် အသက်မွေးကျောင်းပညာသင် အထက်တန်းကျောင်းများမှဆင်းသော ကျောင်းသားအရေအတွက်သည် ၉၃ ရာခိုင်နှုန်းရှိသည်။ အမေရိကန်ပြည်ထောင်စုထက် ၁၇ ရာခိုင်နှုန်းသာ သည်။ တက္ကသိုလ်ဝင်တန်းအောင်ပြီးနောက် ၆၆ ရာခိုင်နှုန်းခန့် တက္ကသိုလ်ပညာကို ဆက်လက် သင်ကြား နိုင်ကြသည်။ ဥရောပသမဂ္ဂအဖွဲ့ဝင် နိုင်ငံများအထဲတွင် တက္ကသိုလ်ဆက်တက်ကြသည့် အရေအတွက် အများဆုံးဖြစ်သည်။ ကျောင်းသားတစ်ယောက်အတွက် အသုံးစရိတ်မှာ ဖင်လန်နိုင်ငံသည် အမေရိကန် ပြည်ထောင်စုထက် ၃၀ ရာခိုင်နှုန်း နည်းသေးသည်။

ဖင်လန်ပညာရေးမှ ရရှိလိုက်သည့် သင်ခန်းစာ သုံးခုမှာ

ကလေးများကို ကစားခိုင်းခြင်း

ဖင်လန်နိုင်ငံမှ ကလေးများသည် တစ်နေ့လျှင် အတန်း သုံးခုမှ လေးခုသာတက်ကြရသည်။ ကျောင်းချိန် အတွင်း၌လည်း မကြာခဏ အားလပ်ချိန်များ ပေးထားသေးသည်။ ရာသီဥတုကောင်းလျှင် အပြင်ထွက်ပြီး ကစားကြသည်။ ဆောင်းတွင်းမှာပင် နှင်းတောထဲထွက်ပြီး ကစားနေသူများတွေ့ရသည်။ စာသင်နေစဉ် ၁၅ မိနစ် သို့မဟုတ် မိနစ် ၂၀ ခန့်အနားပေးပြီး အစားအစာတစ်ခုခုကို စားခိုင်းခြင်း၊ ကစားခိုင်းခြင်း၊ လေကောင်း လေသန့်ထွက်ရှူခိုင်းခြင်းများကို လုပ်ခိုင်းတတ်သည်။ ကလေးများကို တွန့်လိမ်ခွင့်မပေး။ ပျင်းလာပြီထင်လျှင် ထွက်ကစားခိုင်းသည်။ ကလေးကို အချိန်အကြာကြီးထိုင်ခိုင်းထားခြင်းထက် ကစားပြီးတွေးခိုင်း၊ လှုပ်ရှားပြီး သင်ခန်းစာများကို ဖန်တီးတတ်စေရန် အလေးပေးထားသည်။

ဆရာကို ရိုသေလေးစား

ဖင်လန်နိုင်ငံတွင် မူလတန်းဆရာအလုပ်သည် အလွန်ဂုဏ်ရှိသလို၊ မူလတန်းဆရာတစ်ဦး ပိုင်ဆိုင်ထားရသည့် ဘွဲ့များကလည်း အလွန်မြင့်ရသည်။ ဆရာအဖြစ် လျှောက်ထားသူအရေအတွက်၏ ၁၀ ရာခိုင်နှုန်းခန့်သာ လက်ခံလေ့ရှိသည်။ ဆရာတစ်ယောက်ဖြစ်ရန် အရည်အချင်း ဘွဲ့လက်မှတ်များအပြင် အင်တာဗျူးပေါင်း များစွာ ကိုလည်း ဖြတ်သန်းရသေးသည်။ ဆရာတစ်ဦးကို အမျိုးမျိုး လေ့လာသုံးသပ်ပြီးမှ ပညာရှင်များက မှတ်ချက် ပေးပြီး ခန့်ထားလေ့ရှိသည်။ ဆရာတစ်ဦးအတွက် အနည်းဆုံး ဘွဲ့မှာ Master Degree ဖြစ်သည်။ ထို့ပြင် ပညာရေးအတွက် အဆင့်ဆင့် ပိုမြင့်သော ဘွဲ့များ၊ လက်မှတ်များရမှ အာမခံချက်ရှိနိုင်သည်။ ဖင်လန်တွင် ကျောင်းဆရာအလုပ်မှာ ဆရာဝန်နှင့် ရှေ့နေများထက် မြင့်မားသည်။

ဆရာအဖြစ်တာဝန်ထမ်းဆောင်မည့် သူတစ်ဦးသည် ပညာရေးဆိုင်ရာ ဘွဲ့လက်မှတ်များအပြင် ကျွမ်းကျင်မှု ဆိုင်ရာ ဘွဲ့များရထားမှ မိဘများကလည်း အထင်ကြီးလေးစားကြသည်။ မိဘများက မိမိတို့သားသမီးများကို သင်ကြားသည့် ဆရာများကို အထူးစောင့်ကြည့်နေကြသည်။ ဆရာများကလည်း လွတ်လပ်စွာ တီထွင်ဖန်တီး သင်ကြားခွင့်အပြည့်ရှိသည်။ ဆရာများအပေါ် အထက်ကဖိစီးထားမှု၊ ချုပ်ကိုင်မှု၊ အာဏာပါဝါပြမှုများလုံးဝ မရှိသည့် နိုင်ငံတစ်နိုင်ငံလည်းဖြစ်သည်။

တစ်ဦးချင်း အရည်အသွေး အလေးပေး

ဖင်လန်နိုင်ငံ စာသင်ခန်းများသည် ကျောင်းသားဦးရေ အလွန်နည်းသည်။ မူလတန်းဆရာတစ်ဦးသည် သူ၏ ကလေးကို တစ်ပါတည်း ၆ နှစ်ဆက်တိုက် သင်ကြားသွားရသည်။ ဆရာက ကလေးအကြောင်း ကောင်းကောင်း သိသည်။ သူတို့တစ်ဦးချင်းတွင် လေ့လာသင်ယူမှုပုံစံ မည်သို့ရှိကြောင်း ဆရာက ကောင်းစွာ နားလည်ထားပြီး ဖြစ်သည်။ ဉာဏ်ရည်အားနည်းသူများ စာမလိုက်နိုင်သည့် ကလေးများကို သီးခြားအချိန်ပေးပြီး ပြန်လည် သင်ကြားပေးသည်။

ဖင်လန်ပညာရေးစနစ်တွင် ကျောင်းသားများကို စိတ်ဖိစီးမှု မရှိစေရန် အလေးပေးသည်။ ပူးပေါင်းဆောင်ရွက် ခြင်း၊ ဆုံးဖြတ်ချက်ချနိုင်ခြင်း၊ ပိုင်းဖြတ်ဝေဖန်နိုင်ခြင်းတို့ လုပ်ဆောင်နိုင်စေရန် ဆရာများက ကျောင်းသားများကို အလေးပေး လေ့ကျင့်သင်ကြားပေးသည်။ သူတို့ကို ထိန်းချုပ်ပြီး အမိန့်ပေးစေခိုင်းခြင်းထက် လွတ်လပ်စွာ ဖော်ထုတ်နိုင်ခြင်းများကို ဦးစားပေးထားသည်။

ဖင်လန်နိုင်ငံပညာရေးစနစ်နှင့် ပတ်သက်ပြီး Smithsonian မဂ္ဂဇင်းတွင်

“ဖင်လန်နိုင်ငံ ပညာရေးစနစ်တွင် ကျောင်းသားများကို မည်သို့ လေ့လာရမည်ဆိုခြင်းကို လမ်းပြထားသည်။ မည်သို့ စာမေးပွဲစစ်ဆေးမည်ဟုမပြော။ စာမေးပွဲက ပြောမည့် ကလေး၏အကြောင်းထက် ဆရာများက ကလေးတွေအကြောင်း ကောင်းကောင်းသိသည့်စနစ်ဖြစ်သည်” ဟုရေးသားထားသည်။

(Ref : Three Lessons from Finland’s Education System, Zandre Campos)

Powered by Bullraider.com