မသန်စွမ်းကလေးငယ်များ ပညာသင်ကြားခွင့်ရရှိရေး လှုပ်ရှားနေသော ကိုရဲဝင်းနှင့်တွေ့ဆုံခြင်း

 
ကိုရဲဝင်း
 

မြန်မာနိုင်ငံတွင် မသန်စွမ်းလူဦးရေ ၂ ဒသမ ၃ သန်းရှိပြီး ထက်ဝက်ကျော်သည် ကျောင်းမတက်ရောက်နိုင်သလို မသန်စွမ်းသူ တစ်ရာတွင် တစ်ဦးသာ တက္ကသိုလ်တက်ရောက်နိုင်၍ ဘွဲ့ရရှိနေသည်။ မသန်စွမ်းသူများ၏ အခွင့်အရေးဥပဒေတွင် မသန်စွမ်းသူ ပညာရေးသင်ကြားခွင့် အခွင့်အရေးရှိနေသော်လည်း မသန်စွမ်း ကလေးငယ်အချို့သည် အခြေခံပညာကျောင်း၌ကျောင်းအပ်နှံရာတွင် ငြင်းပယ်ခံနေရဆဲဖြစ်သည်။

မသန်စွမ်းကလေးငယ်များ ပညာသင်ကြားခွင့်ရရှိရေးအတွက် ဇွန် လ ၂၅ ရက်က ဖွဲ့စည်းသောမသန်စွမ်းကလေးများ ပညာသင်ယူခွင့်ရရှိရေး လှုပ်ရှားမှုကော်မတီမှ တွဲဖက်အတွင်းရေးမှူး ကိုရဲဝင်းနှင့် တွေ့ဆုံမေးမြန်းထားသည်များမှ ကောက်နုတ်ဖော်ပြလိုက်သည်။

ပညာသင်ကြားနိုင်တဲ့ မသန်စွမ်းကလေးငယ်တွေကို ကျောင်းတွေမှာ ကျောင်းအပ်နှံခွင့်မရရှိတာ ဘာကြောင့်လို့ မြင်ပါလဲ။

အရင်နှစ်ကလည်း ဒီလိုမျိုး ဖြစ်တယ်။ ဒီနှစ်မှာ ပုံမှန်ဉာဏ်ရည်ရှိပြီးတော့ ကိုယ်ခန္ဓာမသန်စွမ်းတဲ့ ကလေးတွေ ကျောင်းအပ်တဲ့အခါမှာ သူငယ်တန်း(KG)သင်ရိုးက ခုန်ပေါက်ကစားရမှာ၊ သင်ယူရမှာဖြစ်တဲ့အတွက် သူတို့ပါ ငြင်းပယ်ခြင်းခံရတယ်။ နောက်တစ်ခုက အရင်နှစ်တွေက အတိုင်းပဲ ကျောင်းအုပ်အပေါ်မှာ မူတည်နေတယ်။ မူမရှိတော့ ကျောင်းအုပ်က လက်ခံတယ်ဆိုရင် မသန်စွမ်းကလေးတွေက ကျောင်းအပ်ခွင့်ရတယ်။ လက်မခံရင် ကျောင်းအပ်ခွင့်မရဘူး။ ကျောင်းအုပ်တွေက ကိုယ်တိုင်တာဝန်မယူဘဲနဲ့ မြို့နယ်၊ တိုင်းတွေကို အဆင့်ဆင့်လွှဲချတယ်။

မသန်စွမ်းကလေးငယ်တွေ ကျောင်းအပ်နှံခွင့်မရရှိတဲ့ ဖြစ်စဉ်တွေ ဘယ်လောက်ရှိနေပါလဲ။ ဘယ်လို ဆောင်ရွက်ပေးခဲ့တာမျိုး ရှိပါလဲ။

ကျွန်တော်တို့ဆီ တက်လာတာက ဖြစ်စဉ် ၃၀ ကျော်လောက်ရှိတယ်။ မသန်စွမ်းအဖွဲ့အစည်းတွေက တွန်းတွန်းတိုက်တိုက်ပြောလို့ တော်တော်များများ ကျောင်းအပ်နှံခွင့်ရသွားတယ်။ ၁၀ ယောက်ကျော်လောက်ပဲ ကျောင်းအပ်ခွင့်မရသေးဘူး။

မသန်စွမ်းသူများရဲ့ အခွင့်အရေး ဥပဒေပြဋ္ဌာန်းပြီးပြီ၊ အမျိုးသားပညာရေးဥပဒေကို ပြင်ဆင်တဲ့ ဥပဒေမှာလည်း မသန်စွမ်းကလေးများ ပညာသင်ကြားနိုင်ရေးအတွက် ပြဋ္ဌာန်းထားတာကို အခုထိ ငြင်းပယ်ခံနေရဆဲဆိုတော့ ဒီဥပဒေတွေကို ပြည်သူတွေကြားထဲ ပိုပျံ့နှံ့သွားအောင် ဘယ်လိုဆောင်ရွက်သွားပါမလ။ဲ

အဓိကက ကျောင်းရဲ့အုပ်ချုပ်သူတွေနဲ့ ပညာရေးဝန်ထမ်းတွေက ဒီဥပဒေကို မသိတာပေါ့၊ အမျိုးသားပညာရေးဥပဒေက ၂၀၁၅ မှာ ပြဋ္ဌာန်းတယ်။ တိုက်တိုက်ဆိုင်ဆိုင် မသန်စွမ်းသူများ အခွင့်အရေးဥပဒေကလည်း ၂၀၁၅ မှာ ပြဋ္ဌာန်းတယ်။ အစိုးရသစ်တက်လာတယ်။ ကျောင်း ဆရာ၊ ဆရာမတွေ၊ ကျောင်းအုပ်တွေကိုယ်တိုင်က ဒီဥပဒေကို သေချာ မသိသေးဘူး။

မသန်စွမ်းကလေးငယ်များ ပညာသင်ကြားခွင့်ရရှိအောင် ကော်မ တီကို ဘယ်လိုဖွဲ့စည်းထားပါလဲ၊ ဘာတွေ ဆက်လက်လုပ်ဆောင်သွားပါမလဲ။

မသန်စွမ်းသူများ ပညာသင်ကြားခွင့်ရရှိရေး လှုပ်ရှားမှုကော်မတီကို မသန်စွမ်းအဖွဲ့အစည်းတွေ၊ INGO တွေ ၁၅ ဖွဲ့လောက် ပေါင်းပြီး ဖွဲ့လိုက်တယ်။ အဲဒီကော်မတီကနေ ပညာရေးဝန်ကြီးကို တွေ့ခွင့်ရဖို့ မြန်မာနိုင်ငံ မသန်စွမ်းအသင်းချုပ်ကနေ ဦးဆောင်ပြီး စာပို့ပြီးတောင်းထားတယ်။ အခု Case Study တွေ၊ ဥပဒေရေးရာ လေ့လာချက်တွေ လုပ်နေတယ်။ ကျောင်းတက်ခွင့်မရတဲ့ ကလေးတွေ၊ မိဘတွေကို ရန်ကုန်ကိုခေါ်ပြီး အလုပ်ရုံဆွေးနွေးပွဲ လုပ်မယ်။ သက်ဆိုင်ရာလွှတ်တော်နဲ့ အစိုးရ အရာရှိတွေကို သူတို့ကိုယ်တိုင် တိုက်ရိုက်ပြောတာမျိုး လုပ်မယ်။

လူတိုင်းအကျုံးဝင်ပညာရေးဆိုင်ရာမူဝါဒ ချမှတ်နိုင်ရေးအတွက် မသန်စွမ်းကလေးငယ်တွေနဲ့ ရန်ကုန်တိုင်းက လွှတ်တော်ကိုယ်စားလှယ်တွေနဲ့ တွေ့ဆုံပွဲကို ပြုလုပ်ခဲ့တယ်၊ နောက်ထပ်လည်း ဘာတွေဆက်လုပ်သွားပါမလဲ။

ပြည်သူ့လွှတ်တော်၊ အမျိုးသားလွှတ်တော်နဲ့ ပညာရေးဝန်ကြီးဌာနကို တွန်းရမယ်။ နိုင်ငံတော်အဆင့်အနေနဲ့ နောက်နှစ်တွေမှာ မသန်စွမ်းကလေးတွေကို ကျောင်းအပ်တဲ့အခါမှာ ကျောင်းမှာ အခက်အခဲရှိရင်တောင်မှ ဌာနဆိုင်ရာအချင်းချင်း ပူးပေါင်းဆောင်ရွက်ပြီးတော့ ပညာသင် ကြားခွင့်အတွက် လမ်းညွှန်ချက် မူဝါဒထုတ်နိုင်ဖို့ ရည်ရွယ်ပါတယ်။ အဓိကကတော့ နိုင်ငံတော်အဆင့်အနေနဲ့ မူဝါဒချမှတ်နိုင်ဖို့ လိုပါတယ်။

လက်ရှိကျောင်းတက်နေတဲ့ မသန်စွမ်းကလေးငယ်တွေ အဓိကကြုံတွေ့နေရတဲ့အခက်အခဲက ဘာတွေပါလဲ။

မသန်စွမ်းကလေးတွေ ပညာသင်ကြားနိုင်ခွင့်ကို ပင်မအစိုးရကျောင်းတွေက အသေအချာမသိသေးဘူး။ နယ်တွေမှာရှိတဲ့ မသန်စွမ်းအဖွဲ့တွေက ဥပဒေချပြပြီးပြောတယ်။ ကျောင်းအုပ်က လက်မခံချင်ခံချင်နဲ့ လက်ခံလိုက်တယ်။ ကလေးတွေကို မသန်စွမ်းအဖွဲ့အစည်းတွေက နယ်တွေမှာ အိမ်သာဆောက်ပေးတာ၊ လျှောက်လမ်းတွေလုပ်ပေးတာ လုပ်တယ်။ အတန်းကို နောက်တစ်ခန်းပြောင်းတာမျိုး ဖြစ်တယ်။ သင်ကြားရေးမှာ ဆရာ၊ ဆရာမတွေရဲ့ အားနည်းချက်တွေ တွေ့ရတယ်။ တချို့ကျောင်းတွေမှာ ဆရာမလုံလောက်လို့ အဆင်မပြေတာတွေ့ရတယ်။

မသန်စွမ်းကလေးတွေဟာ ကျောင်းတက်နေတဲ့အချိန်မှာ ဘယ်အတန်းတွေအထိ ကျောင်းတက်ရောက်ခွင့်ရနေပါလဲ။

တချို့မသန်စွမ်းကလေးတွေက ကျောင်းတက်ခွင့်ရတယ်။ တချို့က နားလည်မှုယူပြီးတော့ Home School ပေါ့။ အိမ်မှာ သင်ပြီးတော့ စာမေးပွဲသွားဖြေတာမျိုးရတာ တွေ့ရတယ်။ ၂၀၁၂ ကနေ ၂၀၁၄ အထိ ထုတ်ပြန်ထားတဲ့ အစီရင်ခံစာအရ မသန်စွမ်းကလေးတွေ ကျောင်းတက်ခွင့်ကို မူလတန်းမှာ ၉,၇၃၈ ဦး၊ အလယ်တန်းမှာ ၁၁,၅၃၆ ဦး ကျောင်းအပ်နှံခွင့်ရတယ်။ ပညာတတ်တဲ့ဦးရေက အရမ်းနည်းတယ်။ ထက်ဝက်လောက်က ကျောင်းနေခွင့်မရဘူးဆိုတာ စစ်တမ်းတွေအရ တွေ့ရတယ်။

မသန်စွမ်းသူများ ပညာသင်ကြားခွင့်ဆိုင်ရာမှာ မိဘတွေကလည်း အဓိကအခန်းကဏ္ဍတစ်ခုကနေပါနေတော့ သူတို့တွေကို ဘယ်လိုအကြံပေးချင်ပါလဲ။

မသန်စွမ်းကလေးတွေတော်တော်များများက ဆင်းရဲတဲ့မိသားစုကနေ မွေးလာတယ်။ မိဘကဆင်းရဲတော့ စားဝတ်နေရေးလုံးပန်းနေတာနဲ့ ကလေးကို ကျောင်းလိုက်ပို့ဖို့၊ ကျောင်းအပ်နှံဖို့ အခက်အခဲရှိတယ်။ မိဘတွေနဲ့ ဆရာတွေရဲ့စိတ်ခံစားမှုက မသန်စွမ်းကလေးတစ်ယောက် ပညာတတ်တော့ ဘာဖြစ်လာမှာလဲဆိုတဲ့ အတွေးအမြင်မျိုးရှိနေတယ်။ ကျောင်းထားတဲ့ကိစ္စမှာ မိဘက အဓိကကျတယ်ဆိုပေမယ့် သူတို့က ကျောင်းထားပေမယ့် ကျောင်းအပ်နှံဖို့ ငြင်းပယ်ခံရတာမျိုးတွေ့ရတယ်။

ပညာသင်ကြားနေတဲ့ မသန်စွမ်းကလေးတွေ ခွဲခြားဆက်ဆံခံရတာမျိုးကို ဘယ်လိုကြုံတွေ့ရတတ်ပါလဲ။

အခြေခံပညာကျောင်းတွေမှာ သန်စွမ်းမိဘတွေကိုယ်တိုင်က သန်စွမ်းကလေးနဲ့ မသန်စွမ်းကလေးနဲ့ ကျောင်းအတူတက်ဖို့ကို သိပ်ခွင့်မပြုချင်ဘူး။ ပညာသင်ကြားရာမှာ ခွဲခြားဆက်ဆံတာမျိုးခံရတယ်။ ဉာဏ်ရည် မသန်စွမ်းကလေးဆိုရင် ပုံမှန်အေးအေးဆေး ဆေးနေတာမျိုးဆိုပေမယ့် သန်စွမ်းကလေးတွေကို အန္တရာယ်ပြုမှာ စိုးရိမ်တာမျိုး ကြုံရတယ်။ အဲဒီလို ဆိုရင်ကလေးတွေမှာ နောက်ပိုင်းက သိမ်ငယ်တာတွေ့ရတယ်၊ နောက်တစ်ခု သင်ရိုးနဲ့ စာမေးပွဲစနစ်က မသန်စွမ်းတဲ့ကလေးတွေအတွက် ခွဲခြားဆက်ဆံခံနေရတယ်။ မူလတန်းမှာ အချိန်ပိုပေးတာမျိုး၊ အကူကလေးတစ်ယောက် ခေါ်ပေးတာမျိုးရှိတယ်။ အလယ်တန်းမှာ ကိုယ်တိုင်ရေးခိုင်းတာမျိုး တွေ့ရတယ်။ အဆင်မပြေမှုတွေ ရှိတယ်။ စာမေးပွဲစနစ်တွေမှာ မသန်စွမ်းကလေးတွေအတွက် အချိန်ပို ပေးသင့်တယ်။

အဆင့်မြင့်ပညာရေးတွေမှာကော မသန်စွမ်းလူငယ်တွေအတွက် ဘယ်လိုအခက်အခဲတွေရှိနေပါလဲ။

မသန်စွမ်းကလေးတွေ တက္ကသိုလ်တက်ဖို့အတွက် ဆင်းရဲတဲ့ မိသားစုတွေဆိုတော့ ငွေရေးကြေးရေး မလုံလောက်မှု အခက်အခဲရှိတယ်။ ပညာသင်ဆုတွေ ပေးနေပေမယ့် တစ်နိုင်ငံလုံးအတိုင်းအတာအနေနဲ့ လုံလောက်မှု မရှိသေးဘူး။ သိပံ္ပဘာသာရပ်တွေမှာ လက်တွေ့တွေပါတဲ့အတွက် မသန်စွမ်းတွေကို လက်မခံတာရှိနေတယ်။

အစိုးရနဲ့ လွှတ်တော်အနေနဲ့ မသန်စွမ်းသူတွေ ပညာသင်ကြားခွင့်၊ သင်ကြားတဲ့နေရာမှာ အဆင်ပြေနိုင်အောင် ဘယ်လိုဆောင်ရွက်ပေးသင့်တယ်လို့ အကြံပြုချင်ပါလဲ။

ကျောင်းတွေမှာ ပညာသင်ယူချင်လို့ ကျောင်းလာအပ်ရင် ကျောင်းက အခက်အခဲတစ်စုံတစ်ရာရှိရင်တောင်မှ ပညာသင်ခွင့်ရအောင် လမ်းညွှန်ချက်တွေကို နိုင်ငံတော်အဆင့်အနေနဲ့ ရှိစေချင်တယ်။ အဲဒါကို Advocacy လုပ်သွားပါမယ်။

ဖြည့်စွက်ပြောချင်တာရှိ ပြောပေးပါ။

ပညာရေးဘက်ဂျက်ကို တိုးမြှင့်ပြီးတော့ သုံးစွဲရမယ်။ ကလေးတွေကို ပညာသင်ပေးဖို့ အဆင်ပြေအောင် ကျောင်းအဆောက်အအုံတွေ ပြင်ဆင်တာ၊ ဆရာ၊ ဆရာမတွေကို မွမ်းမံသင်တန်းတွေပေးတာ။ ကလေးတွေအတွက် သင်ထောက်ကူပစ္စည်းတွေ ပေးဖို့အတွက် ဘက်ဂျက်တွေကို တိုးမြှင့်ပြီးသုံးစွဲရမယ်။ နိုင်ငံတော်အဆင့်အနေနဲ့ မသန်စွမ်းကလေးတွေ ပညာသင်ကြားခွင့်ရရှိဖို့အတွက် မူဝါဒတစ်ခုရှိသင့်ပါတယ်။

ကျေးဇူးတင်ပါတယ်။

7 Day Daily, 

Powered by Bullraider.com