ကျောင်းများတွင် ရိုက်နှက်ဆုံးမခြင်းမပြုရန် အမေရိကန်ပညာရေးဝန်ကြီး တိုက်တွန်း

http://dailysignal.com/wp-content/uploads/sfphotos836734-edit.png

အမေရိကန်ပညာရေးဝန်ကြီး ဂျွန် ဘီ ကင်း ဂျူနီယာသည် ပြည်နယ်အသီးသီးရှိ ခေါင်းဆောင်များထံ မိမိတို့ ပြည်နယ်အသီးသီးရှိ ကျောင်းများတွင် ကိုယ်ခန္ဓာကို ရိုက်နှက်အပြစ်ပေးခြင်းများအား တားမြစ်ပေးပါရန် စာများ ပေးပို့ကြောင်း AP သတင်းတွင်ဖော်ပြထားသည်။

အမေရိကန်ပြည်ထောင်စုတွင် ယနေ့အထိ ကျောင်းသားများကို ရိုက်နှက်အပြစ်ပေးခြင်းအား ခွင့်ပြုထားသည့် ပြည်နယ် ၂၂ ခုရှိနေပြီး ရိုက်နှက်ခြင်းသည် ထိရောက်သော ပြစ်ဒဏ်ပေးမှုတစ်ခု မဟုတ်တော့ကြောင်း ပညာပေးရန် လိုအပ်နေပြီဖြစ်ကြောင်း ဝန်ကြီးကတိုက်တွန်းထားသည်။

ရိုက်နှက်ဒဏ်ပေးခြင်းကို လက်ခံနေကြသည့် ပြည်နယ်များက စည်ကမ်းလိုက်နာရန်အတွက် ရိုက်နှက်ဒဏ်ပေး ခြင်းကလွဲပြီး အခြားနည်းလမ်းမရှိကြောင်း လက်ခံကျင့်သုံးလျက်ရှိကြသည်။

“ကျွန်တော်တို့ကျောင်းတွေမှာ ယုံကြည်မှုတွေနဲ့ လုံခြုံစိတ်ချရတဲ့ ဘဝတွေကို တည်ဆောက်ဖို့လိုပါတယ်။ ကျွန်တော်တို့ လူ့ဘောင် အသိုင်းအဝိုင်းတွေထဲမှာ ကလေးတွေကို လုံခြုံမှုအပြည့် ပေးရမယ်။ သူတို့ကို ကျောင်းတွေက ကြောက်အောင်ခြောက်နေရင်၊ အပြစ်တွေပေးနေရင် သူတို့အတွက် ဘဝတွေဟာ လုံခြုံမှု လည်း မရှိနိုင်တော့ဘူး၊ အားကိုးယုံကြည်ချင်စိတ်တွေလည်း ရှိတော့မှာ မဟုတ်ဘူး” ဟု ကင်းက သတင်းစာ ရှင်းလင်းပွဲတွင် ပြောကြားသည်။

ရိုက်နှက်ခြင်းခံနေရသော ကလေးများသည် ရန်လိုစိတ်၊ အာခံလိုစိတ်များ ပေါ်လာတတ်ကြောင်း ၂၀၁၃ ခုနှစ် ပညာရေးအစီရင်ခံစာတစ်ခုတွင် ဖော်ပြထားပြီး ကလေးများ၏ စိတ်ကျန်းမာရေးကို ထိခိုက်စေနိုင်ကြောင်း၊ ကလေးများသည် စိတ်ဓာတ်ကျခြင်း၊ စိတ်ဖိစီးမှုများ ဖြစ်ပွားခြင်း၊ စိတ်ကစဥ့်ကလျားဖြစ်ခြင်းစသည့် ဝေဒနာ များကို ခံစားရရှိနိုင်ခြင်းကြောင်း ရိုက်နှက်အပြစ်ပေးခြင်းများအပေါ် အရေးယူစဉ်းစားရန်လိုကြောင်း ယင်းက ဆိုသည်။

ကလေးများ၏ ကိုယ်ခန္ဓာများကို ရိုက်နှက်အပြစ်ပေးခြင်းကြောင့် ဦးနှောက်ဖွံ့ဖြိုးမှုနည်းခြင်း၊ ပြဿနာများကို ဆုံးဖြတ် ဖြေရှင်းနိုင်စွမ်း အားနည်းလာခြင်းများအပြင် နှုတ်မှုစွမ်းရည်များလည်း နိမ့်ကျလာစေနိုင်ကြောင်း၊ ရိုက်နှက်ခြင်းက ဒဏ်ရာအနာတရဖြစ်စေရုံမက ပညာလေ့လာသင်ယူနိုင်စွမ်းများကိုပါ ထိခိုက်စေနိုင်ကြောင်း၊ နိုင်ငံတော်အတွင်းရှိ ပေါ်လစီရေးဆွဲသူများအနေဖြင့် ကျောင်းများတွင် ရိုက်နှက်အပြစ်ပေးခြင်းထက် လုံခြုံစိတ်ချ ကြောင်းကျိုးပြဝေဖန်ပေးနိုင်သည့် ပတ်ဝန်းကျင်တစ်ခုကို ဖန်တီးပေးရန် လိုအပ်ကြောင်း အမျိုးသမီးဥပဒေစင်တာမှ ဒုတိယဥက္ကဋ္ဌ ဖာတီမာ ဂေါ့စ် ဂရေ့စ်ကပြောကြားသည်။

အမေရိကန်ပြည်ထောင်စုတွင် ပြည်နယ် ၂၈ ခုတွင် ၂၀၁၃-၁၄ ခုနှစ်ကစတင်ပြီး ရိုက်နှက်အပြစ်ပေးခြင်းကို ဥပဒေအရ ခွင့်မပြုကြောင်း အမိန့်များ ထုတ်ပြန်ခဲ့ပြီးဖြစ်သည်။

မစ္စစ္စပီနှင့် အယ်လ်ဘားမားပြည်နယ်များတွင် တားမြစ်ချက်ဥပဒေများ မထုတ်ပြန်ရသေးသဖြင့် ရိုက်နှက် ဆုံးမခြင်းများကြောင့် မကြာခဏ ပြဿနာများတက်ခဲ့ကြရသည်။

“ကျောင်းများတွင် ရိုက်နှက်အပြစ်ပေးခြင်းထက် အကောင်းမြင်မှုထွန်းကားသော ကျောင်းဝန်းကျင်တစ်ခု တည်ဆောက်ကြပါ။ ရိုက်နှက်အပြစ်ပေးခြင်းသည် အကောင်းဆုံး ပြဿနာဖြေရှင်းနည်း တစ်ခုမဟုတ်ပါ။ ရိုက်နှက်လိုက်ခြင်းကြောင့် ပြဿနာများသည် ပိုပြီး ရှုပ်ထွေးစေနိုင်သဖြင့် ရိုက်နှက်မှုများ မပြုလုပ်ကြစေလိုပါ” ဟုဝန်ကြီးကို ကျောင်းများကို ပေးပို့သည့် စာများတွင် ရေးသားထားကြောင်း AP သတင်းတွင် ရေးသားထား သည်။

Powered by Bullraider.com