အထက်တန်းကျောင်းသားများကို စက်ရုပ်ပရိုဂရမ်ရေးနည်းများသင်ကြား

https://static1.codehs.com/img/tutor_info/tutor2.jpg

အမေရိကန်ပြည်ထောင်စု၊ မင်နီဆိုးတားပြည်နယ် စိန့် ဂျွန်အထက်တန်းကျောင်းမှ ၇ တန်းနှင့် ၈ တန်းအဆင့် ကျောင်းသားများကို စက်ရုပ်များကို လှုပ်ရှားလုပ်ဆောင်နိုင်စေမည့် ကွန်ပျူတာ ပရိုဂရမ်ရေးနည်းများကို လေ့ကျင့်သင်ကြားပေးနေကြောင်း US News သတင်းတွင်ဖော်ပြထားသည်။

ယင်းအထက်တန်းကျောင်းတွင် ကျောင်းသားများအား စတီဖင် လာဆင်ဆိုသူ ရေးဆွဲထားသည့် ပရိုဂရမ်းမင်း များကို သင်ကြားပေးမည်ဖြစ်ပြီး စတီဖင်သည် လွန်ခဲ့သည့် ငါးနှစ်ခန့်ကတည်းက ကျောင်းသားများကို ပရိုဂရမ်းမင်း ဘာသာရပ်တွင် စက်ရုပ်များအတွက် သီးခြား ပရိုဂရမ်များကို ရေးသားပြုစု သင်ကြားပေးနေခြင်း ဖြစ်သည်။

“နည်းပညာက ကလေးတွေကိ်ု ပရိုဂရမ်းမင်း အမြန်ဆုံးရေးတတ်အောင် အထောက်အကူပြုသွားမှာပါ။ ခုဆိုရင် ကလေးအတော်များများ စိတ်ပါဝင်စားစွာနဲ့ ပရိုဂရမ်တွေရေးတာကို လာပြီး လေ့ကျင့်နေကြပါပြီ” ဟု စတီဖင် ကဆိုသည်။

ဆရာစတီဖင်၏ ပရိုဂရမ်းမင်းသင်တန်းတွင် ကျောင်းသားများသည် အခြေခံ ပရိုဂရမ်းမင်းကစတင် သင်ကြား ကြရပြီး iPad များပေါ်တွင် လေ့ကျင့်သင်ကြားကြရကာ Arduino စက်ရုပ်များကို ပရိုဂရမ်များဖြင့် လုပ်ဆောင် နိုင်စေသည်အထိ ပြုလုပ်ကြမည်ဖြစ်သည်။

Arduino စက်ရုပ်များကို တီထွင်ရန်အတွက် တစ်ရုပ်လျှင် ၈၅ ဒေါ်လာခန့် ကုန်ကျကြောင်း၊ ကျောင်းသားများ သည် မိမိစက်ရုပ်ကို လိုအပ်သည့် ပစ္စည်းများဖြင့် တပ်ဆင်ပြီးနောက် လှုပ်ရှား ခိုင်းစေမှုများကို မိမိတို့ ရေးထား သည့် ကွန်ပျူတာကုတ်များအတိုင်း လွတ်လပ်စွာ ဆောင်ရွက်နိုင်ကြမည်ဖြစ်သည်။

ဆရာစတီဖင်၏ ကွန်ပျူတာ ပရိုဂရမ်သင်တန်းကို မိဘများက ထောက်ပံ့လှူဒါန်းသည့် အလှူငွေများဖြင့် မတည် ထူထောင်ထားပြီး ကျောင်းသားများကိုယ်တိုင် စက်ရုပ်များကိ်ု တပ်ဆင်ထုတ်လုပ်နိုင်စေရန် သင်တန်းများ ပေးလျက်ရှိသည်။

Powered by Bullraider.com