တရုတ်နိုင်ငံတွင် အွန်လိုင်းပညာရေးတိုးတက်မြင့်မား

https://i.ytimg.com/vi/ttxp7Z3Q8ms/maxresdefault.jpg

တရုတ်နိုင်ငံတွင် ၂၀၁၆ ခုနှစ် နောက်ဆုံးကာလ အွန်လိုင်းပညာရေးအခြေအနေကို China Online Education Group အဖွဲ့က ထုတ်ပြန်ခဲ့ရာ သင်ကြားသူ၊ သင်ယူသူ၊ အကျိုးအမြတ်၊ ရင်းနှီးမြှုပ်နှံမှုများအားလုံး ယမန်နှစ်ကထက် ပိုမိုမြင့်မားလျက်ရှိကြောင်း PR Newswire သတင်းတွင် ဖော်ပြထားသည်။

၂၀၁၆ ခုနှစ်အတွက် အွန်လိုင်းပညာရေးအပေါ် သုံးစွဲလာသည့် ငွေပမာဏမှာ ဒေါ်လာ ၃၅ သန်းပမာဏရှိ လာပြီး၊ အွန်လိုင်းပညာရေးအတွက် အကျိုးအမြတ်ဝင်ငွေစုစုပေါင်း ဒေါ်လာ ၁၈ သန်းကျော်ရရှိလာခဲ့ကြောင်း၊ အထူးသဖြင့် K-12 အတန်းမှ ကျောင်းသားများ၏ ၅၈ ဒသမ ၁ ရာခိုင်နှုန်းသည် အွန်လိုင်းကတစ်ဆင့် ပညာရှာမှုများကို ပြုလုပ်လာကြကြောင်း ယင်းသတင်းကဆိုသည်။

51Talk အွန်လိုင်းပညာရေးအဖွဲ့ကို ထူထောင်သူ မစ္စတာ ဂျက်ဟောင်းက

“၂၀၁၆ ခုနှစ်အကုန် နောက်ဆုံးဝင်ငွေဟာ သိသိသာသာကို တိုးတက်လာပါတယ်။ ကျောင်းသားတွေ တိုးတက်လာတာလည်း တွေ့ရတယ်။ ဒီနှစ်အတွင်း ကျောင်းသား ၄၀၀၀၀ လောက် အွန်လိုင်းကတစ်ဆင့် လာရောက်လေ့လာကြတာတွေ့ရတယ်။ ယမန်နှစ်ကထက် ထက်ဝက်တိုးလာတာပါ။ နောက်ဆိုရင် ဈေးကွက်က ပိုပြီး ခိုင်မာလာဖို့ပဲရှိပါတယ်” ဟုပြောကြားသည်။

တရုတ်နိုင်ငံတွင် အထက်တန်းအဆင့် K-12 အတန်းမှ လူငယ်ကျောင်းသားများသည် အွန်လိုင်းပေါ်တွင် တက်ရောက်သင်ယူရခြင်းအပေါ် စိတ်ဝင်စားမှုပိုများလာပြီး၊ နိုင်ငံတကာအဆင့် စာမေးပွဲသင်ရိုးများဖြစ်သည့် TOEFL အဆင့် စာမေးပွဲများကိုလည်း Primary နှင့် Junior အဆင့်များတွင်ပါ ဝင်ရောက်လေ့လာ သင်ယူသူ များပြားလာခဲ့ကြောင်း ဂျက်ဟောင်းကဆိုသည်။

ယခုအခါ တရုတ်လူငယ်များသည် အင်္ဂလိပ်စာကို အွန်လိုင်းကတစ်ဆင့် လေ့လာသင်ယူမှုများအား ပိုမို စိတ်ဝင်စားလာကြသောကြောင့် လာမည့်နှစ်မှစတင်ပြီး အွန်လိုင်း အင်္ဂလိပ်စာသင်တန်းများကိုလည်း တိုးမြှင့် ဖွင့်လှစ်ရန် ပြင်ဆင်ထားသည်ဟု သိရသည်။

Powered by Bullraider.com