ငါးနှစ်အတွင်း ပုံနှိပ်စာအုပ်များ ပျောက်ကွယ် နိုင်

အီးဘွတ် ဖတ်သူများနှင့် ကွန်ပြူတာ အချပ်ပြားငယ်များ အသုံးပြုသူ များလာသောကြောင့် ပုံနှိပ်စာအုပ်များ မျှော် လင့်ထားတာထက် စောစွာ ပျောက်ကွယ်သွားနိုင်ကြောင်း နည်းပညာ ဂရုတစ်ဦးက ပြောကြားလိုက်သည်။

'ကလေးတစ်ယောက် လက်ပ်တော့ တစ်လုံး' အစီအစဉ် တည်ထောင်သူလည်း ဖြစ်၊ Reliable Sources စာအုပ် ရေးသူလည်း ဖြစ်သည့် Nicholas Negrophonte က စီအင်အင် အင်တာဗျူးတွင် ရုပ်ဝတ္ထုဆိုင်ရာ ပုံနှိပ်စာအုပ်များ ကွယ်ပျောက်မယ့် နေ့ရက်တွေကို လက်ချိုးရေတွက်လို့ရပြီဟု ဆိုသည်။

“ငါးနှစ်အတွင်း ဖြစ်လိမ့်မယ်။ စက္ကူလို ရုပ်ဝတ္ထု ကြားခံ ပစ္စည်းတွေက လူအားလုံးအတွက် ဖြန့်ဝေဖို့ မလုံလောက်ဘူး။ အာဖရိကကို ခင်ဗျားသွားရင် လူတစ်သန်းလောက် စာအုပ်လိုချင်ကြမယ်။ ခင်ဗျား ပို့ပေးနိုင်မှာ မဟုတ်ဘူး” ဟု Negrophonte က ပြောသည်။

သူဦးဆောင်နေတဲ့ အဖွဲ့အစည်းက ကျေးရွာများကို လက်ပ်တော့များ ရောက်ရှိရေး ကြိုးပမ်းနေသည်။ “လက်ပ်တော့ တစ်လုံးမှာ စာအုပ် ၁၀၀ လောက် ပါဝင်နိုင်တယ်။ အာဖရိက ကျေးရွာတစ်ရွာကို လက်တော့ပ် အလုံး ၁၀၀ ကျနော် ပို့ပေးလိုက်လို့ စာအုပ် ၁၀၀၀၀ ရသွားပြီပေါ့” ဟု ရှင်းပြသည်။

အီးဘွတ်များ အလားအလာနှင့် ပတ်သက်ပြီး သူ့အမြင်တွင် ဖွံဖြိုးဆဲနိုင်ငံတွေရဲ့ အသုံးပြုမှုက ဖွံ့ဖြိုးပြီး နိုင်ငံများထက် ပိုမြန်ဆန်နေကြောင်း ပြောသည်။ “အဓိကကတော့ ဆဲလ်ဖုန်းတွေ ပြန့်နှံလာမှုကြောင့်ပဲ။ ဆဲလ်ဖုန်းတွေက ကမ္ဘောဒီးယားတို့ ယူဂန်ဒါတို့မှာ ပိုပြီး ပေါ်ပြူလာ ဖြစ်လာနေပါတယ်။ ဆဲလ်ဖုန်းတွေ အရေအတွက် များပြားလာမှုက အီးဘွတ်တွေ မြန်မြန် တိုးပွားလာဖို့ဖြစ်တယ်” ဟု ဆိုသည်။

Negrophonte မှာ ကမ္ဘာအနှံ့ရှိ ကျောင်းသားကလေးငယ်တိုင်း အင်တာနက်အသုံးပြုနိုင်ရေး One Laptop per Child ကို ၂၀၀၅ ခုနှစ်တွင် စတင်ထူထောင်သူ ဖြစ်သည်။ ယခု ကလေးငယ်သုံး လက်ပ်တော့များ တစ်လုံးလျှင် ၁၉၉ ဒေါ်လာဖြင့် ဖွံ့ဖြိုးဆဲနိုင်ငံများသို့ www.laptop.org/en/ မှ တဆင့် ရောင်းချပေးလျက် ရှိသည်။

သတင်း CNN

Powered by Bullraider.com