အလိုအလျောက် စီးထွက်လာတဲ့ အင်အားအရှိဆုံး ဘာသာစကား

ကဗျာဆိုတာ အသန့်စင်ဆုံးနဲ့ အင်အားအရှိဆုံး ဘာသာစကားပဲဖြစ်တယ်။ (ရီတာဒဗ်)
Poetry is language at its most distilled and most powerful. Rita Dove

ဒီနေ့ မတ်လ ၂၁ ရက်နေ့ဟာ ၂၀၁၂ ခုနှစ် ကမ္ဘာ့ကဗျာနေ့ ဖြစ်ပါတယ်။ ၁၉၉၉ ခုနှစ်ကနေ စတင်ပြီး ကမ္ဘာ့ကဗျာနေ့ကို မတ်လ ၂၁ ရက်နေ့တိုင်းမှာ ကျင်းပဖို့ UNESCO က သတ်မှတ်ခဲ့တယ်။ ရည်ရွယ်ချက်ကတော့ ကဗျာကို ပိုပြီး ဖတ်ကြဖို့၊ ရေးကြဖို့နဲ့ ကျောင်းတွေမှာလည်း သင်ကြားပို့ချပေးဖို့ အလုပ်တွေကို တိုးမြှင့်ဆောင်ရွက်နိုင်ကြဖို့ ရည်ရွယ်ပါတယ်။

ဒီနေ့မှာ ကမ္ဘာအရပ်ရပ်က ကဗျာဆရာတွေနဲ့ ကဗျာမြတ်နိုးသူတွေဟာ ကဗျာတွေ ရွတ်ဆိုကြ၊ ကဗျာနဲ့ ပတ်သက်တဲ့ စာတမ်းတွေဖတ်ကြတယ်။ ကဗျာစာဆို၊ ကဗျာ့ကဝိတွေကို ဆုချီးမြှင့်ကြပါတယ်။ ကိုယ့်နိုင်ငံက ကဗျာတွေအကြောင်း၊ ကမ္ဘာ့ကဗျာတွေ အကြောင်း၊ ကဗျာ့ယဉ်ကျေးမှု ရေစီးကြောင်း စတာတွေကို အဲဒီနေ့မှာ ဆွေးနွေးကြပါတယ်။ ကဗျာနဲ့ ပတ်သက်တဲ့ လှုပ်ရှားမှုတွေ၊ ရွတ်ဖတ်ပွဲတွေ၊ ပြပွဲတွေနဲ့ အနုပညာတင်ဆက်မှုတွေကို နိုင်ငံတိုင်းမှာ လုပ်ကြပါတယ်။

ကဗျာကောင်းတွေအားလုံးဟာ အင်အားကောင်းတဲ့ ခံစားချက်ကနေ အလိုအလျောက် စီးထွက်လာတာဖြစ်တယ်။ စတင်ပေါက်ဖွားလာဖို့ ငြိမ်သက်အေးချမ်းမှုကနေ ပြန်လည် စုစည်းထားတဲ့ စိတ်ရဲ့ လှုပ်ရှားမှုပဲ။ ၀ီလီယမ် ၀ါ့ဒ်စ်ဝေါ့ဒ်သ်

All good poetry is the spontaneous overflow of powerful feelings: it takes its origins from emotion recollected in tranquility. William Wordsworth

မြန်မာနိုင်ငံမှာလည်း ကဗျာဆရာများ သမဂ္ဂက ပထမဆုံးအကြိမ်အနေနဲ့ ကမ္ဘာ့ကဗျာနေ့ကို ကျင်းပနေကြပါတယ်။ မြန်မာနိုင်ငံမှာ ကမ္ဘာ့ကဗျာနေ့ကို သီးသီးသန့်သန့် ကျင်းပလာတာ ၁၀ စုနှစ် တခုလောက်ပဲ ရှိပါသေးတယ်။

ထိုင်းနယ်စပ်၊ မဲဆောက်မြို့မှာလည်း အဝေးရောက်မြန်မာကဗျာဆရာများက ၂၀၁၂ ကမ္ဘာ့ကဗျာနေ့ကို ဂုဏ်ပြုကျင်းပခဲ့ပါတယ်။

ရွှေနှင့်ယိုးမှား ပန်းစံကား

သိုးကလေ၊ ၊ပုပ္ပားနတ်တောင်၊ အခေါင်မြင့်ဖျား၊ စုံတောပြား၌၊ နံ့ရှားကြိုင်လွင့်၊ ခါတန်ပွင့်သည်၊ ၊ ရွှေနှင့်ယိုးမှားပန်းစံကား။
သိုးကလေ၊ ၊စံကားပွင့်နှင့်၊ နှိုင်းတင့်နိုးသည်၊ ရဲမျိုးသမီး၊ မောင်ကြီးနှမ၊ ညက်လှပြာစင်၊ ၊ မယ့်သည်ပင်သည် ခရီးသား။
သိုးကလေ၊ ၊ မြိတ်လွတ်စုလည်း၊ အငယ်တည်းက၊ ကျွမ်းဝင်ကြသည်၊ မွေးဖတူရင်း၊ မျိုးသည်မင်းနှင့်၊ ချစ်ခြင်းစုရုံး၊ သက်ထက်ဆုံးသည်၊ ၊ နှလုံးမခြားစောင့်တရား။
သိုးကလေ၊ ၊ မျက်သုတ်နီစင်၊ ရထည်းဖျင်းနှင့်၊ ကျိုင်းစင်မြ၀ါ၊ မတ်ကြီးလျာကို၊ ၊ မယ်သာကြိုက်မိ တုမရှိ။ ။
(အမည်မသိစာဆို)

သည်ပင် (ပေါရာဏ) = လင်ယောင်္ကျား
မြိတ်လွတ် = တပတ်လျှို တပတ်ရစ်ဆံထုံကို ဆိုလိုသည်
စုလည်း = ဦးစွန်းကိုကြက်တောင်စီး၍ ထုံးသောဆံထုံးကို ဆိုလိုသည်
မျိုးသည်မင်း = လင်ယောင်္ကျား
ရထည်း(ပေါရာဏ) = ပိတ်ထည်
ဖျင် (ပေါရာဏ) = အင်္ကျီ
ကျိုင်းစင်မြ၀ါ (ပေါရာဏ) = စင်ကြယ်သော မြရောင်ရှိသော ဆောင်ထီး

ပုဂံမင်းများလက်ထက်ရေး ပုပ္ပားနတ်တောင်ဘွဲ့ပါ။ လင်္ကာအမျိုးအစား။ ဒါက ကျွန်တော်၁၀တန်းတုန်းက ကြိုက်မိတဲ့ မြန်မာစာကဗျာထဲက တပုဒ်။ ချစ်စရာလည်းကောင်း၊ နှစ်သက် လေးစားစရာလည်းကောင်းတဲ့ ကဗျာလေးပါ။ ချစ်စရာကောင်းတဲ့ လေးစားစရာကောင်းတဲ့ မြန်မာ အမျိုးသမီးလေးတဦးကို တွေ့ရတယ်။

ကိုက်လမ်း
မောင်ချောနွယ်

ငါဟာ
ကမ္ဘာကြီးကို နားစွင့်ထားသူ ယုန်ကလေးပါ
နေ့စဉ် နေ့စဉ်
ငါ့ဝပ်ကျင်းကလေးကနေ ငါ အစာရှာထွက်တိုင်း
သစ်ပင်မြက်ပင်ငယ်လေးတွေကို ကိုက်ကိုက်ပြီး
ငါထွက်လာခဲ့မြဲ။

ခု ... ...
လူနဲ့ ခွေးများ တောခြောက်ကြ
အပြေးအမြန် ငါ့ကိုက်လမ်းလေးအတိုင်း ပြန်လာခဲ့ရာ
ပိုက်ထဲ
ငါ့သစ္စာတရားဟာ ငါ့အသက်ကို ယူသွားကြပေါ့။ ။

မောင်ချောနွယ်

(မြားနတ်မောင် မဂ္ဂဇင်းမှ)

မြန်မာ့ပညာရေးမှာ ခေတ်ပေါ် modern ကဗျာတွေကို အထက်တန်းအဆင့် မြန်မာစာသင်ရိုးညွှန်းတမ်းမှာ ထည့်သွင်းသင်ကြား သင့်ပါကြောင်း အကြံပြုဆွေးနွေးထားတဲ့ ကဗျာဆရာ ငြိမ်းဝေရဲ့ စာတမ်းကို ဒီနေရာမှာ ဖတ်ရှုနိုင်ပါတယ်။

မောက္ခကဗျာနေ့သတင်း

Powered by Bullraider.com